Foi na primeira rolda onde o vilalbés enfrontouse ao húngaro Daniel Higeti, loitador que xa venceu ao noso en varias ocasións e que está a ter unha formidable progresión. Aínda así foi un combate moi igualado que acabou levando o húngaro por un axustado 1-0 e 1-0 e máis por os erros tácticos de Cuba que pola superioridade do xove loitador do este.
Tras analizar o videos do enfrontamento, os adestradores de Cuba amósanse satisfeitos co seu rendemento pois afirman que cada vez as diferenzas son menores achegándose ao nivel da elite mundial.
En todo caso o torneo foi dunha complexidade destacada, cunha participación de 20 países e con representantes de campións e medallistas mundiais e europeos, como o caso do Ukraniano Vadyn Tasoev que acabou impoñéndose na categoría de Cuba, seguido do polaco Bartnicki Bartłomiej. Outros medallistas mundiais que participaron na categoría foron o americano Tommy Rowlands ou o grego Ioannis Arzoumanidis.
Dende esta semana Cuba ultima en Vilalba a súa preparación de cara ao mundial de Setembro contando coa axuda dun dos loitadores máis recoñecidos a nivel mundial na súa categoría, o cubano Alexis Rodríguez campión do mundo e bronce na olimpiada de Sidney.
Este é un blog que xurde en primeiro lugar para difundir a actividade do Club de Loitas Olímpicas de Vilalba e dos seus deportistas e tamén, para dar a coñecer no eido do territorio galego a influenza e espallamento deste milenario deporte nos diferentes lugares do mundo.
1 comentario:
Moitas gracias pola vosa colaboración e moita sorte de cara ó mundial
Saúdos
Baruk Domínguez
Radio Principal Vilalba Cadena Ser
Publicar un comentario