FELICES FESTAS!!

Co éxito das cuartas Xornadas Internacionais de loitas olímpicas os deportistas e membros do clube queremos despedir este difícil ano que tamén non deixa algúns éxitos.
Moisés Sánchez foi o convidado que nos axudou a despedir esta tempada marcada pola falla de recursos, o retroceso no número de practicantes e sobre todo a ameaza de expulsión do noso deporte dos Xogos Olímpicos. Pero tamén unha tempada na que demos a coñecer ao futuro do noso deporte, Ramón Monasterio ou Roberto Díaz xunto con outras novas promesas, son xa a realidade dun froito sementado non su día por Nicolás Castro, José Luis Puentes, Marcos Miragaya ou José Cuba.
Coa esperanza de que o ano 2014 sexa mellor que o que agora nos deixa queremos desexarvos unhas felices festas e un próspero ano 2014.

INTERESANTE NOVA A QUE RECOLLEN OS AMIGOS DE ZONA DE LUCHA

A loita está entre os primeiros deportes universitarios de USA, algo que dende estas latitudes ás veces costa crer, esta nova que recollen os amigos de Zona de Lucha  parécenos moi interesante : VER ENLACE

3ª COPA DA DEPUTACIÓN DA CORUÑA

Esta fin de semana terá lugar a 3ª Copa Deputación da Coruña  organizada pola escola Ayude de Melide. Vilalba asistirá cunha pequena representación de loitadores das categorías inferiores. Carlos García e Roberto Días Orosa participarán na categoría escolar e Ramón Monasterio na categoría cadete. Iván Parederes e José Luís Puentes serán os responsables do pequeno equipo que nos representará en Melide.
Sen dúbida este é un evento moi positivo e dinamizador deste deporte polo que quixéramos colaborar máis coa Escola Ayude que tanto e tan ben está a traballar na promoción e difusión das loitas olímpicas, pero a falla de medios e os imprevistos de última hora non nos permiten acudir a Melide cun equipo semellante ao que levamos a pasada edición.
Desexamos que todos saia como Ayude se merece e nós tentaremos esforzarnos máis de cara á próxima edición para que esta actividade teña o maior apoio posible pola nosa parte.
SORTE A TODOS!!!

CUARTAS XORNADAS INTERNACIONAIS DE ADESTRAMENTO DE LOITAS OLÍMPICAS

Este ano, a actividade estará dirixida á formación da modalidade de grecorromana, modalidade da que Moisés é un dos mellores especialistas europeos polo que non precisamos traer adestradores ou deportistas estranxeiros. Nas pasadas edicións tivemos a grandes deportistas como Alexis Rodriguez (Cuba), Sergei Priadun (Ucrania), Valentin Bedoev (Rusia), Davit Davitashvilli (Georgia) e o sempre colaborador Alexander Katchalaev (Rusia), todos eles especialistas en libre olímpica, pero dada a falla de formación dos nosos adestradores na modalidade de grecorromana quixemos darlle nesta edición unha orientación diferente.
A actividade estará dirixida a adestradores e deportistas que desexen coñecer novas metodoloxías de adestramento de grecorromana nas diferentes etapas deportivas, dende a iniciación ao deporte de competición.
Todos os adestradores e deportistas que desexen participar, deberán de comunicalo ao clube por teléfono ou correo electrónico. Deste xeito poderemos coordinarnos para arranxar a manutención e un lugar no que durmir a noite do venres de xeito gratuíto.
A primeira sesión será o venres 20 ás 18:30 horas no Auditorio Municipal de Vilalba, onde poderán participar todos deportistas ata a categoría escolar. Moisés impartirá unha sesión de iniciación na que poderán participar o resto de adestradores. Despois, ás 20 horas no pavillón municipal, teremos a primeira sesión dirixida aos deportistas e adestradores.
O sábado 21 teremos dúas sesións máis, ás 11 horas pola mañá e ás 17 horas pola tarde, tamén dirixidas a adestradores e deportistas.
O sábado á noite aproveitaremos para facer a cea de Nadal do clube á que todos poderedes asistir.
A actividade estará aberta ao público que desexe asistir a vela, entre os que se repartirán algúns agasallos para os máis novos.
Para os interesados en participar lembrade reservar a praza o antes posible para coordinar as actividades e coñecer as necesidades de aloxamento (EMAIL: CLUBE VILALBA ( loitaolimpicavilalba@yahoo.es).

4ª EDICIÓN DAS XORNADAS INTERNACIONAIS DE ADESTRAMENTO CON MOISÉS SÁNCHEZ

O próximo venres 20 e sábado 21 de decembro poderemos desfrutar da presenza do mellor loitador español de grecorromana de tódolos tempos. Moisés Sánchez será o responsable dos adestramentos do clube vilalbés durante un par de días.
Agardamos que veña a nosa vila loitadores de toda a nosa terra para aprender e compartir experiencias deste balear que conta cun terceiro posto nos Campionatos de Europa de loita grecorromana en menos de 66kg e que participou nos Xogos Olímpicos de Atenas no 2004. Actualmente é seleccionador español e o responsable dos equipos de Baleares de onde está a salir algunhas dos deportistas máis prometedores deste deporte, como é o caso da campiona de Europa cadete Karima Sánchez.
O venres 18:30 no auditorio municipal haberá unha sesión aberta e gratuíta a todos os nenos e nenas de Vilalba de menos de 12 anos que desexen participar nunha sesión de iniciación dirixida por este grandísimo adestrador e deportistas. Despois, e ás 20:00 horas Moisés dará un adestramento no pavillón municipal no que participarán os loitadores vilalbeses así adestradores e outros deportistas dos diferentes clubs galegos.

Xa o sábado e tamén no pavillón municipal poderemos desfrutar dos adestramentos de Moisés ás 11:00 horas pola mañá e ás 17:00 horas pola tarde.
Todas as actividades estarán abertas ao público que desexe acudir a coñecer un pouco máis deste milenario deporte.
Ao longo da semana poremos máis información sobre o programa e normativa de participación.
ANIMÁDEVOS!!!

HISTÓRICO 3º POSTO DE VILALBA NA LIGA NACIONAL DE CLUBS

 Seguramente isto debera ser unha nova excepcional, algo que non ocorrese todos os anos. Os modestos clubs de pequenas poboacións non deberan estar na elite do deporte estatal, si os seus deportistas pero non estas entidades que nun sistema deportivo san serían o forno e plataforma dos grandes loitadores pero nunca os aglutinadores da elite. Sei que isto é difícil de entender e precisa dunha explicación pero agora quero resaltar a fazaña dos nosos heroes que se merecen toda a nosa atención.

Vilalba acudiu a Los Narejos (Murcia) posiblemente co equipo máis pequeno e máis humilde de toda a competición, algo que en ningún momento pareceu minguar as gañas dos nosos deportistas de loitar e si fose posible facer historia. Durante todo campionato so caemos ante o Club Ares de Valencia , no resto da fase eliminatoria empatamos co San Blas de Madrid e o CAR de Murcia que rematou acadando o primeiro posto, e gañamos contra o Quart de Poblet de Valencia o que nos valeu a segunda praza do grupo e o pase á loita polo bronce. Aquí, cun equipo incompleto e con algunha baixa por lesión, impuxémonos ao Hércules de Andalucía que acudía cun equipo de 19 loitadores  facendo que o bronce final soubese a vitoria.

Ao noso equipo chamámoslle Vilalba porque algún nome ten que levar, pero en realidade non sería posible este resultado sen o apoio do Keltoi de Vila de Cruces, do Touro, do Pontevedra e o Atila de Ourense. Sen a axuda dos seus deportistas non poderiamos viaxar a Murcia cun equipo competitivo e posiblemente a nosa terra non tería representación no máximo campionato de clubs estatal, así que é unha vitoria de todos xuntos co nome de Vilalba.

Queremos resaltar ademais do esforzo dos nosos loitadores, o bo traballo levado a cabo por Nicolás Castro e Marcos Miragaya, coa súa intelixencia e sabedoría souberon facer un posta táctica na que a inferioridade numérica non impediu a loita polos primeiros postos. Temos que lembrar que co Murcia (18 loitadores), o equipo campión, chegamos a empatar e que ao non poder levar todas as categorías de peso por falla de presuposto cada encontro o comezábamos co marcador en contra. Sen dúbida a xestión do corpo técnico foi fundamental na consecución do terceiro posto.

Agardamos que este resultado sirva para motivar aos nosos deportistas máis novos e co tempo a nosa terra conte con máis dun equipo na división de honra.

NORABOA A TODOS!!

VILALBA NA FASE FINAL DA LIGA ESTATAL DE CLUBS

O equipo Vilalbés atópase clasificado para participar na fase final da Liga Estatal de Clubs que terá lugar o próximo sábado día 23 en San Javier. Os nosos deportistas partirán mañá cara a Murcia para enfrontarse aos oito mellores clubs do estado.
Aínda que non somos capaces de rematar de consolidar unha forte canteira na provincia, situación que este ano semella empeorar, competiremos cun equipo de loitadores formados nos nosos clubs, contando únicamente coa axuda de 4 deportistas doutros equipos galegos que non participan na liga.
Para nós isto é moi importante facendo desta competición unha grande oportunidade para os nosos deportistas, xa que terán a posibilidade de enfrontarse non so aos mellores loitadores do estado senón que a moitos competidores doutras nacións que participarán cos grandes clubs españois.
Nicolás Castro, que agora se atopa na concentración de tecnificación de Serra Nevada, xunto con Marcos Miragaya serán os responsables de dirixir ao equipo vilalbés en San Javier. Un equipo que debido ás dificultades de atopar recursos terá que viaxar con tan so 10 deportistas para enfrontarse a algúns equipos máis grandes.
O Vilalba en San Javier estará formado por:
Iauipogo Rey Oliveira menos de 63kg
Marcos Carral Suárez menos de 70 kg.
Eliseo Permuy Soto (Clube Keltoi) menos de 70 kg.
Pablo García García (Clube Pontevedra) menos de 70kg Grecorromana
Luís Garníl Rielo (Clube Keloti) menos de 80kg.
Jose Luís Puentes Seoane menos de 90kg.
Damián IglesiasVilela (Clube Touro) menos de 90kg Grecorromana
José Cuba Vázquez máis de 90kg
Catriel Pehuén Muriel máis de 90kg Grecorromana.
Rubén Varela Vázquez (Clube Stellae) Arbitro
Nicolás Castro Seoane- Adestrador
Marcos Mirgaya Lama- Adestrador.
Os outros equipos clasificados para fase final son os seguintes:
CLUB ARES (VALENCIA)-18 loitadores.
CAMP DE MORVEDRE (VALENCIA)-17 loitadores.
CLUB CAR DE MURCIA- 18 loitadores.
CLUB SAN BLAS (MADRID)- 11 loitadores
CLUB BARÓN DE VIVER (CATALUÑA)- 9 loitadores.
QUART DE POBLET (VALENCIA) - 17 loitadores
CLUB DE LUCHA HÉRCULES (ANDALUCÍA)-19 loitadores.
MOITA SORTE A TODOS!!!

O VILALBÉS NICOLÁS CASTRO DIRIXE A CONCENTRACIÓN ESTATAL DE TECNIFICACIÓN

O adestrador vilalbés é o responsable da concentración da Federación Española de tecnificación que ten lugar no Centro de Alto Rendemento de Sierra Nevada dende o pasado 11 de novembro. Os mellores loitadores do estado das categorías cadete e júnior viaxan a Granada para formarse baixo a tutela dun dos nosos mellores deportistas que agora ocupa un posto no equipo técnico da selección española.

ESCOLA DE LOITAS OLÍMPICAS DE GUITIRIZ

Esta semana levaremos a cabo a promoción da loita olimpica no  IES Poeta Díaz Castro co obxectivo de poñer en funcionamento a escola municipal de loita para a que precisamos un mínimo de 12 inscritos. Aqueles que desexen participar lembrade que podedes inscribirvos na Casa Habanera os días da actividade ou a través dun correo electrónico a loitaolimpicavilalba@yahoo.es
Agardamos que vos guste a todos!

A área de Deporte da Deputación colabora, un ano máis, co Club de Loita Vilalba

VER NOTICIA

ESCOLAS DEPORTIVAS DE COSPEITO

O Concello de Cospeito xa está a enviar a información ás nais e aos pais para inscribirse nas escolas deportivas municipais. Este ano vólvese a ofertar as loitas olímpicas dentro das escolas e agardamos que tras a activade de promoción levada a cabo no CEIP Virxe do Monte sexan moitos os interesados en coñecer este milenario deporte.
Como no resto das escolas, os interesados en participar deberán inscribirse nas escolas deportivas do concello na modalidade de loita ou ben enviarnos un correo a loitaolimpicavilalba@yahoo.es

ESCOLAS DEPORTIVAS DE XERMADE

Á espera de comezar coas actividades de promoción no centro educativo de Xermade xa comezamos coas escolas municipais de loita, este ano con máis inscritos que o ano pasado aínda estamos agardando a que se apunten máis deportistas. Para participar nas escolas de loita so tedes que inscribirvos non concello ou como sempre falando co adestrador os venres ás 16:00 horas no pavillón do colexio.

ESCOLAS DEPORTIVAS DE GUITIRIZ

Outro ano comezamos coas escolas deportivas do concello de Guitiriz e aínda que non contamos cos 12 inscritos mínimos necesarios para sermos incluídos nas escolas deportivas municipais, o concello ponnos todas as facilidades para que a escola saia  adiante polo que seguiremos a traballar para que ningún rapaz ou rapaza que quera practicar este deporte se quede sen poder facelo.
As clases comezarán o próximo xoves 17 na Casa Habanera de Guitiriz de 17:30 a 18:30 horas, no caso de que cheguemos aos 12 matriculados trasladaremos a actividade ao ximnasio do instituto.
Para inscribirse podedes facelo nas oficinas do concello, nas instalacións da Casa Habenera os días da actividade ou enviando un email a loitaolimpicavilalba@yahoo.es.
Animádevos!

PROMOCIÓN DAS LOITAS OLÍMPICAS NO CEIP VIRXE DO CORPIÑO DE BEGONTE

O pasado venres fixemos unha actividade de promoción das loitas olímpicas no CEIP Virxe do Corpiño de Begonte, e visto o interese dos nenos e das nenas do centro pola práctica das loitas olímpicas decidimos facer unha enquisa do número de interesados na práctica deste deporte para, en función dos datos, chegar a un acordo co concello de Begonte para a posta en marcha desta modalidade nas escolas deportivas.
Mañá achegarémonos ao centro para recoller as follas de inscrición e así valorar si sería posible incluir esta actividade a pesares de que as escolas de Begonte xa están elaboradas.
Os que estades interesados non vos esquezádes de entregarlle as follas co voso nome ao profesor de educación física ou enviar un correo a loitaolimpicavilalba@yahoo.es

CUOTA MENSUAL PARA OS DEPORTISTAS NON INSCRITOS NAS ESCOLAS DEPORTIVAS MUNICIPAIS

Debido ao descenso de número de inscritos nas escolas deportivas municipais de loita nesta tempada, o concello reducíu á metade a cantidade destinada ao clube pola prestación deste servizo, algo que entendemos e aceptamos pero que pon en perigo a actividade deportiva de cara á próxima tempada. E como unha vez coñecidos os datos dos inscritos no concello observamos que non se corresponden co número de deportistas que adestran cada día no clube, vémonos na obriga de evitar un trato discrimatario con aqueles que fan o esforzo de contribuir a que as escolas funcionen e polo tanto o clube financie  a súa actividade. Por este motivo en canto o concello nos facilite a lista dos inscritos todos aqueles que asistan aos adestramentos na instalación de Vilalba e non figuren na lista deberán aboar unha cuota mensual de 10 €.
Polo pago da cuota entregarse un recibo e os cartos recaudados ingresaranse na conta da entidade para os gastos da tempada.
Así e todo queremos lembrarvos a todos que a falla de medios económicos non é un impedimento para practicar loita neste clube, pois como xa é habitual esta entidade sufraga todos os gastos dos deportistas que pola súa actual situación económica familiar non conten cos recursos para facer deporte. Para os que están nesta situación só teñen que poñerse en contacto con Iván Castro (responsable do clube).

ESCOLAS DEPORTIVAS MUNICIPAIS DE LOITAS OLÍMPICAS

Lembrade que xa está aberto o prazo para inscribirse nas escolas deportivas de loitas olímpicas. Os interesados deberán matricularse antes do 4 de Outubro nas oficinas do concello, aínda que para aqueles que non podan facelo dentro do prazo existe a posibilidade de inscribirse directamente no clube.

Para inscribirse directamente no clube podedes informarvos nas instalacións de adestramento do auditorio municipal de Vilalba. O coste da actividade fora das escolas deportivas terá un coste de 10 € ao mes.

PREMIOS DEPORTE SOLIDARIO 2013

Os premios e as atencións polo teu traballo sempre son reconfortantes e en certo modo son unha inxección de adrenalina para seguir no camiño, pero cremos que non pode haber maior recoñecemento que o feito polos teus compañeiros. Este sábado Iván Castro en representación do clube, recolleu o galardón dos premios Deporte Solidario 2013 no que a nosa entidade resultou finalista polo seu proxecto de promoción das loitas olímpicas e a creación de novas escolas deportivas na comarca.

Os premios están organizados polo Colexio Oficial de Licenciados de Educación Física (COLEF) e foron entregados na gala do 30 aniversario da entidade na localidade coruñesa de Riveira. Esta iniciativa busca apoiar aquelas accións solidarias vinculadas durante o 2013 coa educación física e o deporte e que conten con un ou varios licenciados en educación física.

De todos os proxectos, os premiados foron:

·         II Open de Wushu de Oleiros.

·         Taekwondo para a igualdade.

·         El Deporte como instrumento de reinserción social.

n  NORABOA A TODOS!

    VER MÁIS FOTOS

A ESCOLA DE VILALBA REMATA NO 5º POSTO NA LIGA DE DEPORTE DE BASE

O equipo do clube Vilalba composto polos deportistas de Vilalba e Xermade rematou no 5º posto da liga galega de deporte de base na final que se celebrou esta pasada fin de semana na localidade pontevedresa de Vila de Cruces.
Nesta final enfrontábanse os 12 mellores clubs galegos que participaron nas pasadas xornadas clasificatorias onde Vilalba logrou clasificarse para a final A, onde se disputarían os 6 primeiros postos da liga.
O outro clube lucense foi o Lugo que rematou nun meritorio 11º posto tendo en conta a reducido equipo co que acudiu á cita pola coincidencia desta con diferentes celebracións, o mesmo motivo que imposibilitou a participación do Clube Rábade que tamén estaba clasificado para a fiinal B (loita pola clasificación entre o 6º e o 12º posto).
 A clasificación final foi a seguinte:
1º- Escuela Ayude de Melide.
2º- Clube San Ignacio de Vigo.
3º- Clube de Loita Keltoi Cruces.
4º- Clube de Loita Kuzushi de Vigo.
5º- Loita Olimpica Vilalba.
6º- Clube de Loita Pontevedra.
7º- Loitas Olímpicas El Castro de Vigo.
8º- Clube de Loita Sabaris.
9º- Loita Stellae
10º- Clube Atila de Ourense.
11º- Lugo Loita Olímpica.
12º- Clube Cidade de Vigo.
O equipo de Vilalba estivo formado polo seguintes deportistas:
Antonio Pena Castelo (Vilalba)
Noé Díaz Paz (Xermade)
Gabriel Blanco Vivero (Xermade)
Raúl Sanz Cendán (Vilalba)
Fermín Sanz Cendán (Vilalba)
Samuel García Miragaya (Vilalba)
José Barrio Vilasuso (Vilalba)
Antonio Casal Peleteiro (Xermade)
Sergio Sardiña Corral (Xermade)
Brais Arias Apenela (Vilalba)
Alejandro Gauthier Sampayo (Vilalba)
Angel García Yañez (Vilalba)

NORABOA A TODOS E ÁNIMO PRA SEGUIR A TRABALLAR¡¡¡
VER FOTOS

REDUCIÓN DOS HORARIOS DE ADESTRAMENTO

Debido á falla de medios para contar cun adestrador con adicación completa, veranse reducidos os adestramentos do clube a  3 días semanais. Esta redución de horarios súmase á que xa tivemos que plantexar ao inicio da tempada cando pasamos a facer un único adestramento diario. Polo tanto os horarios para o que resta de tempada e ata que non se poda contar cun adestrador durante máis tempo queda do seguinte xeito:

A pesares desta redución da actividade o clube seguriá a axudar aos deportistas de outras localidades da provincia que viñan completando a formación nos seus clubs cos adestramentos en Vilalba. O clube seguirá a desempeñar a súa función de apoio á tecnificación e alto rendemento nos horarios sinalados.

MIRAGAYA, CARRAL E PUENTES TRIUNFAN NO C. ESPAÑA UNIVERSITARIO

Éxito dos vilalbeses no Campionato de España Universitario. Os ouros de Marcos Miragaya (máis de 90 kg) e Jose Luís Puentes ( menos de 90) xunto coa prata de Marcos Carral (menos de 62 kg) supoñen un pleno de medallas da participación vilalbesa no evento.
Miragaya está a cursar un máster na facultade de ciencias da actividade física de Pontevedra e é o principal responsable do clube da cidade, entidade que está a ter moi bos resultados baixo a súa tutela.
Puentes tamén está en Pontevedra aínda que  cursando o ciclo de ciencias da actividade física e o deporte compaxinando os estudos cos adestramentos no CGTD de Pontevedra.
Carral, mestre de profesión e responsable do Clube Rábade, está a estudar o ciclo de pedagoxía na UNED sen deixar de contribuir co seu esforzo á promoción deste deporte na nosa comarca.
Sempre é un orgullo para o noso clube o ter xente coma vos coma compañeiros.
NORABOA!

3º POSTO PARA A SELECIÓN GALEGA E ÉXITO DOS VILALBESES NA COPA DE ESPAÑA DE LOITAS OLÍMPICAS

Podio de máis de 90 kg con Cuba (1º) e Miragaya (3º)

De novo o bo traballo dos loitadores vilalbeses foi decisivo para un novo éxito da selección galega que este fin de semana viaxou a Madrid para disputar a Copa de España e o Campionato de España Universitario de loitas olímpicas, e que dos cinco vilalbeses que viaxaron co combinado galego trouxeron para as súa repectiva presea, algúns incluso por partida doble.
A Copa de España nace como unha das probas máis esixentes a nivel do estado ao poder participar todos os deportistas residentes en España sen necesidade de ter a nacionalidade, o que supón unha grande oportunidade para os nosos deportistas de medirse con loitadores, a maioría das veces, dun nivel superior. Pero a presenza de loitadores das potencias do leste non foi suficiente para arrebatar o trono da máxima categoría ao vilalbés José Cuba que trouxo de Madrid o ouro en máis de 90 kg (unión das clásicas categorías de menos de 96 kg e menos de 120 kg). Cuba gañou todos os seus combates por superioridade técnica agás o seu enfrontamento co tamén vilalbés Marcos Miragaya que rematou nun terceiro posto na súa volta á competición estatal.
O ouro de Cuba foi o único primeiro posto do equipo galego na Copa de España, pero houbo outros éxitos que non podemos deixar de destacar como o bronce de Jose Luís Puentes en menos de 90kg e como non, a prata de Catriel Pehuén Muriel na modalidade de Grecorromana menos de 120 kg.  Este último merece unha especial atención, pois con tan so dous anos de práctica esta éra a súa primeira grande cita nun evento deste nivel.
Pero os éxitos dos vilalbeses non rematan aquí, pois moitos deles decidiron repetir sesión de competición participando nos Campionatos de España Universitarios que aportaron para a nosa vila dous ouros, os de Jose Luís Puentes en menos de 90 kg e Marcos Miragaya en máis de 90 kg, e unha prata de Marcos Carral en menos de 62 kg.
VER FOTOS

EXITO DOS EQUIPOS LUCENCESES NA XORNADA NORTE DE DEPORTE DE BASE

Esta fin de semana tivo lugar no Pavillón Municipal de Lugo a Xornada Norte de Deporte de Base de loitas olímpicas na que se enfrontaron os 8 clubs do sector que aspiraban a clasificarse para a final do 18 de Maio en Vila de Cruces.
A nosa provincia estivo representada polos equipos de Rábade, Lugo e Vilalba, sendo este último o único que se clasificou para a final A de Vila de Cruces.
Nos equipos de Rábade e Lugo pesou moito a ausencia no último momento de varios dos seus deportistas rematando no 5º e 6º posto respectivamente a pasares da súa boa actuación.
A escola vilalbesa está formada por deportistas de Xermade, Cospeito, Guitiriz ademais da propia capital chairega, e aínda que acudiu á cita con bastantes ausencias rematou nun 3º posto que lle vale o pase para a final de Maio onde se medirá cos 6 mellores clubs galegos.
O equipo de Vilalba estivo formado polos seguintes deportistas:

• Antonio Pena Castelo (Vilalba).
• Samuel García Mirgaya (Vilalba).
• Gabriel Blanco Vivero (Xermade)
• Fermín Sanz Cendán (Vilalba).
• Noé Díaz Paz (Xermada).
• Martín Pena Lama (Vilalba).
• Raul Sánz Cendán (Vilalba).
• José Barrio Vilasuso (Vilalba).
• Antonio Casal Peleteiro (Xermade).
• Brais Arias Apenela (Vilalba).
• Alejandro Gauthier Sampayo (Vilalba)
• Angel García Yañez (Vilalba).
• Sergio Sardiña Corral (Xermade).
  

O ÉXITO DE ROBERTO DÍAZ NA PRENSA

ROBERTO DÍAZ OROSA CAMPIÓN DE ESPAÑA ESCOLAR

O vilalbés Roberto Díaz Orosa proclamouse campión de España Escolar de loitas olímpicas. Roberto que participou na categoría de menos de 38 kg foi peza fundamental para que a selección galega acadase o primeiro posto por equipos da categoría escolar.
O vilalbés foi un dos 5 ouros que o equipo galego trouxo de Granada,  Aitor Álvarez (Sabarís de Baiona), Alberto Bermejo (Kuzushi de Vigo), Dafne Acuña (Kuzushi), Patricia López (Ayude de Melide) e Iris Miguelez (Keltoi de Vila de Cruces) completan os primeiros postos acadados polos galegos na categoría escolar.
A representación lucense en Granada acadou outro importante éxito da man do rabadense Angel Campo que obtivo o bronce na categoría de menos de 85 kg.

O tamén rabadense Jonathan Pernas rematou nun meritorio 5º posto na masificada categoría de menos de 66 kg.
A mala nova ven da man de Nicolás López Gredilla (Clube de Loita Lugo) que no camiño á final en menos de 120 kg da categoría Junior sufriu unha lesión de xeonllo que o deixou fora da competición. O lucense que era unha das maiores esperanzas de ouro na modalidade de grecorromana e que aspiraba a revalidar o seu título de campión de España Júnior, perderá así parte da tempada. Unha tempada na que aspiraba a participar nos campionato continental e mundial ao demostrar a súa potencialidade nos pasados campionatos de España senior onde acadou o bronce.
Queremos darlle a noraboa a todos, e dun xeito moi especial o noso ánimo a Nico para que se recupere e volte pronto a deleitarnos do seu bo facer.

Os equipos galegos Escolar e Junior

A PRENSA RECOLLE A NOVA SOBRE O ÉXITO DOS LOITADORES GALEGOS NO CAMPIONATO DE ESPAÑA

4 MEDALLAS PARA OS LUCENSES NOS CAMPIONATOS DE ESPAÑA DE LOITAS OLÍMPICAS

De novo a nosa provincia voltou a vertebrar os éxitos da selección galega nos campionatos de España Senior e Cadete que se celebraron esta fin de semana en San Javier (Murcia). Aínda que os resultados non foron os esperados facéndose notar a ausencia de José Cuba, os galegos foron quen de subir ao podio por equipos en casi todas as categorías, especialmente en cadete feminino onde Galicia acadou o primeiro posto por seleccións.
Queremos resaltar que dos catro lucenses que viaxaron a Murcia todos regresaron coas súas respectivas preseas aínda que os únicos ouros galegos viñeron da man das rapazas máis novas. Cristina Alves (San Ignacio), Lydia Pérez (Pontevedra) e Cora Ayude (Escola Ayude de Melide) subiron ao máis alto do podio nos seus respectivos pesos da categoría cadete. Lembrar que se ben Cristina pertence a un clube de longa traxectoria, tanto Cora como Lydia pertencen a clubs de recente creación xurdidos a partires das campañas de promoción da Federación Galega de Loita nos centros educativos, o clube de Pontevedra chegou incluso a subir de novo ao podio acadando o terceiro posto na clasificación por clubs. Pra Nós isto é unha grande satisfación non so polo feito de que sexan compañeiros senón que tamén por tratarse dun éxito persoal do seu adestrador Marcos Miragaya, deportista de Vilalba que apostou por facer de Pontevedra un dos mellores clubs do estado.
En canto aos nosos deportistas destacar a prata de Francisco Monasterio que ocupou o posto de José Cuba en menos de 120 kg libre olímpica acadando un bo resultado no seu primeiro ano de senior, e a pratas de Jose Luís Puentes en menos de 84 kg libre olímpica senior e o bronce de Ramón Monasterio en menos de 85 kg libre olímpica cadete.
Non podemos esquencernos do bronce acadado por Nicolás López do Clube de Loitas Lugo na categoría sénior en menos de 120 kg grecorromana. O lucense, sendo aínda junior, estivo a piques de chegar a final poñendo en apretos ao actual campión de España e principal favorito. De novo un deportista con gran potencial que xurde das campañas de promoción nos centros educativos da provincia, campañas que están a verse reducidas pola falta de apoio da administración autonómica.
VER MÁIS FOTOS

EL DIARIO DE PONTEVEDRA RECOLLE A REACCIÓN DO CLUBE DA CIDADE ANTE A DECISIÓN DA COMISIÓN EXECUTIVA DO COI

XAPÓN REBÉLASE CONTRA A EXCLUSIÓN DAS LOITAS OLÍMPICAS DOS XOGOS OLÍMPICOS

SALVEMOS ÁS LOITAS OLÍMPICAS. SAVE OLYMPIC WRESTLING

8 ABANDERADOS DA CERIMONIA DE APERTURA DE LONDRES ERAN LOITADORES

Estas son algunhas das cousas que a Comisión Executiva do COI non tivo ou non quixo ter en conta cando elaborou a súa "proposta".
Se de todo isto sae algo  bo, é a publicidade que se lle está a facer a este deporte, dando a coñecer á xente do noso estado os impactantes datos dun deporte que aquí chamamos minoritarios pero que conta con 180 federacións nacionais afiliadas á Federación Internacionale e é practicado por máis de 80 millóns de deportistas en todo o mundo según os datos do propio COI.
Xa comeza a ser sospeitoso que unha decisión tomada por 15 persoas no máis estricto segredo, pretenda sacar dos Xogos Olímpicos non só ao deporte que deu orixe aos propios xogos, senón que tamén a un dos máis practicados e que mellor simboliza o principios universais da Carta  Olímpica.
VER ENLACE DE ABANDERADOS EN LONDRES

Conmoción mundial pola proposta da Comisión Executiva do COI de eliminar as loitas olímpicas do Xogos para 2020

Nos aínda non somos capaces de asimilar esta nova. Parece ser que a Comisión Executiva do COI acaba de aprobar a proposta para levar á sesión a supresión das loitas olímpicas do programa dos Xogos Olímpicos para 2020.
Sei que nun contesto estatal esta nova pode supor algo irrelevante pero como poderedes observar non é así a nivel mundial, pois a nova supón un ataque directo á propia línea de flotación do olimpismo. O triste é que a decisión parece ser tomada en contra dos propios principios da Carta Olímpica ao pretender impoñer os intereses persoais dalgúns membros da comisión aos propios intereses do movemento olímpico.
A prensa internacional e as organizacións deportivas estanse a poñer en pé de guerra arroxando datos demoledores sobre a saúde deste deporte a nivel mundial (180 federacións nacionais afiliadas e máis de 80 millóns de licenzas mundiais) que convirten ás loitas olímpicas nun dos deportes con maíor implantación no planeta. Datos que a algúns nos fan cuestionar a implicación dalgúns membros do COI con respecto aos valores da Carta Olímpica polos que fixeron xuramento.
A nivel do estado podedes ollar a nova que se recolle no Marca e que arroxa datos moi interesantes da motivación desta proposta (VER DIARIO MARCA).
Internacional:
Xapón: Conmoción en Xapón pola decisión do COI de excluir á Loita
USA:
The Guardian
the mat
Excluir a loita das Olimpiadas foi un erro
Armenia:http://www.panarmenian.net/eng/news/145432/
IRÁN: IRÁN CONSTERNADA ANTE LA PROPUESTA DE SACAR LA LUCHA DEL PROGRAMA OLÍMPICO
 E moitos máis, pero quero resaltar esta nova que recolle un xornal ruso e que titula que Rusia, USA e Irán únense para loitar pola loita. Os seus comites olímpicos e os membros das súas respectivas federacións presionarán ao COI para que se dean conta do tremendo erro que pode supoñer levar a cabo a proposta de sacar dos Xogos Olímpicos a un dos deportes máis importantes dos seus países. VER NOVA

RESULTADOS DO GALEGO JUNIOR E ESCOLAR NA PRENSA

A pesares de que algúns dos medios esquencéronse de nomear as pratas de Ramón Monasterio en menos de 84 kg, queremos agradecer a o traballo de difusión que se está a dar dos nosos deportistas.

Pra ver calquera das novas preme no logo:

LA VOZ DE GALICIA 5/02/2013

PLENO DE PODIOS DOS EQUIPOS LUCENSES NO CAMPIONATO GALEGO DE LOITAS OLÍMPICAS

Este sábado disputáronse na capital galega os campionatos galegos de loitas olímpicas das categorías escolar (ata 14 anos) e Júnior (ata 19 anos). Case todos os loitadores que representaron á nosa provincia a través dos diferentes clubs foron capaces de subir ao podio obtendo as correspondentes medallas.
Vilalba dos tres loitadores que participaron acadou tres ouros e dúas pratas, un ouro de Roberto Díaz  Orosa na categoría de escolar en menos de 38 kg e dous ouros de Catriel Pehuén en menos de 120 kg, un en grecorromana e outro en Libre Olímpica vencendo nas finais ao actual campión de España da categoría, o lucense Nicolás López.  As pratas pra Vilalba as trouxo Ramón Monasterio que subiu ao podio en menos de 84 kg en ambas modalidades, temos que recoñecer o progreso desta promesa vilalbesa, pois sendo aínda cadete de primeiro ano disputou ambas finais ante o actual campión de España.
Ademais de Nicolás López (Club de Loita Lugo) que acadou senda pratas en libre olímpica e grecorromana, temos que mencionar o meritorio papel desempeñado polos nosos compañeiros de Rábade que trouxeron para a nosa provincia tres medallas máis na categoría de Escolar. Un ouro de Angel Campo en menos de 85 kg, e as pratas de Jonathan Pernas en menos de 66 kg e Cristian Pena en menos de 53 kg. O mérito é maior pois todos eles ao igual que o vilalbés Roberto Díaz son escolares de primeiro ano agás Xico Fernández, que sendo aínda alevín completou a participación rabadense acadando o quinto posto en menos de 53 kg.
Deste xeito a nosa provincia contará con varios representates na selección galega que disputará os próximos campionatos de España que se celebrarán en Albolote (Granada) o próximo mes de Marzo.
VER FOTOS

Eladio Bello cumpre 25 anos como adestrador de loitas olímpicas.

Queremos felicitar a Eladio nesta efeméride que non é moi habitual no noso deporte pois como ben señala o vigués só Alfredo Marcuño e Alexander Katchalaev superan a Eladio na vida activa como adestradores de loitas olímpicas. Pero cremos que o caso de Eladio é reseñable en moitos sentidos, pois traballou neste deporte nos bos e os malos momentos contribuíndo a que chegase aos nosos días coa saúde da que hoxe goza, e se ben é certo que hai moitas cousas que mellorar, o traballo de xentes como Eladio contribuíu a que   na actualidade sexamos máis a tirar do carro.
Así que noraboa e a por outros 25 anos seguindo de exemplo.

CAMPIONATO GALEGO JUNIOR E ESCOLAR DE LOITAS OLÍMPICAS

Esta fin de semana celebrase no pavillón municipal de Santa Isabel de Compostela os campionatos galegos de loitas olímpicas das categorías escolar e júnior, onde a nosa provincia terá unha nutrida representación dos clubs de Lugo, Rábade e Vilalba.
Vilalba viaxará con 4 deportistas, dous en escolar e outros dous na categoría júnior. Os primeiros son Roberto Díaz Orosa en menos de 35 kg e Joao Pedro Vieira Lucena en menos de 85 kg, mentras que en júnior serán Ramón Monasterio en menos de 84 kg e Catriel Pehuén en menos de 120 kg quenes nos representen.
Do clube de Lugo destaca a presenza de Nicolás López en menos de 120 kg, que como actual bicampeón de España da categoría perfílase como o favorito pra levarse o título en compostela.
Rábade que contará con varios deportistas na categoría escolar cremos que será un dos principais favoritos pra subir ao podio na clasificación por clubs. Entre os seus deportistas destacan Angel Campos e Cristian Pumares que xa participaron nos pasados campionatos galegos na categoría cadete subindo ambos ao podio.
SORTE A TODOS.

REPORTAXE NO DIARIO MARCA DO CLUB DE LUCHA LA MINA

O diario deportivo Marca recolle unha ampla reportaxe sobre o traballo que os compañeiros do famoso barrio La Mina (Sant Adriá) están desenrolando no eido das loitas olímpicas. Juan Carlos Ramos, alma mater do equipo, foi quen de poñer en funcionamento unha escola que hoxe conta con casi un centear de deportistas, moitos campións de España e un auténtico referente da labor social que se pode levar a cabo a través do deporte, labor da que xa se fixeron eco varios medios a nivel do estado como o programa Informe Robinson de Canal +.
Pra nós o mellor exemplo de como cun bo traballo e a sensibilidade das administracións, o deporte pódese convertir no principal alicerce da integración social, a loita contra as desigualdades e a promoción entre a nosa mocidade duns hábitos de vida saudábeis.
NORABOA E ÁNIMO AOS COMPAÑEIROS DA MINA.

OS ÉXITOS DO CLUB PONTEVEDRA NA PRENSA

Queremos aproveitar pra dar a noraboa aos compañeiros do Clube Pontevedra e dun xeito moi especial a Marcos Miragaya como principal artífice de todo o que alí se está a facer. Pra nós é un orgullo que un deportista do nosos clube esté a facer de Pontevedra un dos referentes da loita en todo o estado. De todo isto estase a facer eco os principais medios de comunicación como La Voz de Galicia ou mesmo a TVG que publicaron varias reportaxes sobre os éxitos que están a colleitar os nosos compañeiros e que non son outra cousa que o inicio dunha longa e brillante traxectoria.
NORABOA COMPAÑEIROS

OS EXITOS DOS LOITADORES LUCENSES NA PRENSA LOCAL

Nos seguintes enlaces podedes ollar o tratamentos que os medios provinciais deron aos resultados dos loitadores da provincia:
EL PROGRESO
TERRA CHA

VILALBA SUBE AO PODIO NO CAMPIONATO GALEGO DE LOITAS OLÍMPICAS

Pontevedra acolleu este fin de semana os campionatos galegos de loitas olímpicas das categorías cadete e senior onde os equipos lucenses tiveron unha importante actuación. Vilalba subiu ao podio na clasificación por equipos en tódalas categorías acadando na modalidade de grecorromana o primeiro posto en cadete e o  segundo posto na categoría senior, mentras que na modalidade de libre olímpica acadouse o segundo posto na categoría cadete e o terceiro na categoría sénior.
Destacar tamén o terceiro posto por equipos dos compañeiros do club Rábade en grecorromana categoría cadete, histórico podio o acadado polo compañeiros rabadenses entre os que destacan o segundo posto de Angel Campo Andón en menos de 85 kg e o bronce de Cristian Pumares Varela. Na categoría senior os rabadenses tamén obtiveron varias preseas na clasificación individual como os bronces de David Grandío Piñeiro en menos de 84 kg e de Martín Vázquez Diéguez en menos de 96 kg.
A nivel individual Vilalba acadou medallas na maioría das categorías. Na categoría cadete menos de 42 kg Roberto Díaz Orosa obtivo a prata en libre olímpica e o ouro en grecorromana, mentras que Ramón Monasterio Portela acadou o ouro en menos de 85 kg tanto en libre olímpica como en grecorromana.
En canto aos nosos senior destacar as pratas de Marcos Carral Suárez en menos de 60 kg tanto en libre olímpica e grecorromana, os Ouros de Jose Luís Puentes en ambas modalidades en menos de 84 kg, o bronce de Marcos Miragaya en libre olímpica en menos de 96 kg. A máxima categoría estivo dominada polos lucenses, así na modalidade de libre olímpica impúxose o loitador vilalbés Catriel Pehuén Muriel que alcanzou o ouro trala ausencia do tamén vilalbés Jose Cuba por lesión e ao impoñerse ao lucense Nicolás López Gredilla do club Lugo que rematou en 2º posto que ao mesmo tempo se impuxo ao vilalbés Francisco Monasterio que se conformou co bronce. Na modalidade de greco e seguindo coa máxima categoría, foron de novo os lucenses os claros dominadores onde Francisco Monasterio (Vilalba) fíxose co ouro, Nicolás López (Lugo) coa prata e Catriel Pehuen (Vilalba) co bronce.
Moitos destes deportistas serán seleccionados para participar nos próximos campionatos de España que terán lugar a finais de Febreiro en San Javier (Murcia) onde agardamos que a provincia de Lugo se convirta en peza fundamental para que o equipo galego acade os primeiros postos por seleccións, moi de cerca seguriremos as actuacións dos vilalbeses José Cuba e Jose Luís Puentes sen olvidarnos das novas promesas como Nicolás López , Francisco e Ramón Monasterio.
VER FOTOS DA ACTIVIDADE

CAMPIONATO GALEGO SENIOR E CADETE DE LOITAS OLÍMPICAS

Este sábado terá lugar na cidade do Lérez o Campionato Galego de Loitas Olímpicas das categorías Senior e Cadete. De aquí sairán os compoñentes da selección galega que nos representará nos próximos campionatos de España que se disputarán en San Javier (Murcia)  o 9 de Febreiro.
Vilalba viaxará a Pontevedra cun equipo moi reducido, a tónica xeral das últimas tempadas, pero con moitas posibilidades de acadar primeiros postos individuais e por equipos, tarefa complicada ollando a magnífica evolución que están a ter os equipos da provincia de Pontevedra como o anfitrión (dirixido polo vilalbés Marcos Miragaya), o Keltoi de Pontevedra ou o San Ignacio de Vigo.
O equipo vilalbés estará composto por:
CATEGORÍA CADETE:

• RAMÓN MONASTERIO- menos de 85 kg.
• ROBERTO DÍAZ OROSA- menos de 42 kg.

CATEGORÍA SENIOR:

• MARCOS CARRAL SUÁREZ- menos de 60kg.
• PABLO CHAO DURÁN- menos de 74 kg.
• JOSE LUÍS PUENTES SEOANE- menos de 84kg.
• MARCOS MIRAGAYA LAMA- menos de 96 kg.
• CATRIEL PEHUEN MURIEL- menos de 120 kg.
• FRANCISCO MONASTERIO PORTELA- menos de 120 kg.
• JOSE CUBA- menos de 120 kg (dúbida por lesión).

Os outros equipos lucenses con representación en Pontevedra serán o Lugo e o Rábade, este último con moitas posibilidades de acadar medallas na categoría cadete. Nicolás López (bicampeón de España Júnior) será o máximo representante do clube lucense e dun principais candidatos a disputar con Cuba os primeiros postos da máxima categoría.

Boa sorte a todos.

Adhesiones y Manifiesto sobre la necesaria Regulación Profesional

Adhesiones y Manifiesto sobre la necesaria Regulación Profesional

VER ÁS FOTOS DA FESTA HQR DE PONTEVEDRA

REPORTAXE DO CLUBE EN LA VOZ DE GALICIA

PREME AQUÍ