domingo, 16 de xuño de 2019

VILALBA 4ª NO XOGADE

O noso equipo de base ven de clasificarse en 4ª posición na Liga de Deporte Base de Loitas Olímpicas (XOGADE) que se disputou este sábado en Vila de Cruces.
Os vilalbeses clasificáranse para a Final A despois de quedar entre os 3 primeiros na pasada xornada norte de Norte.
A clasificación final domiñouna o propio Keltoi de Vila de Cruces seguido do Ayude de Melide e o Cidade de Vigo que rematou en terceira posición.
O outro club da provincia, o Lugo, acadou a 11ª posición por riba do Kuzushi de Vigo.
O equipo de Vilalba estivo dirixido por Jose Luis Puentes como técnico principal e Carlos Yobani e Oussama Lahnin como técnicos de apoio. Os loitadores e loitadores que nos representaron nesta xornada foron::

  • Brais Rochela
  • Xan García
  • Alonso Maceiras
  • Mateo Cupeiro
  • Lucas Fernández
  • Bruno Pintos
  • Dani Díaz
  • Daniela Gónzalez
  • Lara Fernández
  • Izan Pena
  • Héctor Somoza
  • Alex Carballeira.
  • Andrés Maceira
  • Nicolás González
  • Jimena García
  • Lucas Díaz
  • Kevin Cuba



sábado, 8 de xuño de 2019

EUROPEO JÚNIOR DE PONTEVEDRA

Carlos Yobani non puido chegar á loita polas medallas no europeo júnior que estase a celebrar esta semana en Pontevedra. O vilalbés que disputou a categoría de menos de 65 kg gañou o seu primeiro enfrontamento ante o eslovaco Hakszer meténdose así en oitavos de final ante o alemán Gerstenberger pero o noso deportista non foi quen de superar a forza arrolladora do germano que saíu máis activado que Carlos impoñéndose por superioridade no primeiro asalto.
Acaba así a nosa participación no europeo, moi lonxe de cumprir os obxectivos prantexados pero con boas sensacións e coas ideas claras sobre as cousas a mellorar de cara ao futuro, que sen dúbida semella prometedor para este novo deportista.

xoves, 6 de xuño de 2019

VISITA DO SECRETARIO XERAL PARA O DEPORTE

Onte tivemos a visita do Secretario Xeral para o Deporte que se achegou para desexarlle sorte a Carlos Yobani de cara a súa participación no Europeo Júnior que estase a disputar en Pontevedra.
José Ramón Lete Lasa, acompañado do alcalde en funcións e Manolo Cadramón (Xefe Provincial de Deportes), tamén quixo coñecer o estado de preparación de José Cuba e as súas expectativas de cara á clasificación para os Xogos de Tokio 2020 así como outras inquedanzas e necesidades da entidade co obxectivo de mellorar o seu traballo e as condicións de traballo.