O CANSANCIO VENCE A CARLOS YOBANNI

Esta fin de semana celebrouse en Murcia o "Torneo Internacional de Jóvenes Promesas" que acolleu a loitadores de países como USA, Suecia, Suiza, Israel ou Noruega e no que se disputaron en dous días as categorías Sub23 e júnior.
O vilalbés Carlos Yobani García participou en ámbalas dúas cateogorías con sorte dispar en cada unha delas. O sábado, Carlos disputou a categoría Sub23 acadando a prata tras perder ante o asturiano Carlos Álvarez por diferencia de puntos na final. Carlos amosou un baixo estado de rendemento despois de dous meses de competicións continuadas e nas que non perdeu ningún enfrontamento. O baixo rendemento evidenciouse o domingo na disputa da categoría júnior na que non gañou ningún dos 3 enfrontamentos que disputou.
Agora toca recuperarse e correxir os erros amosados tras un descanso que permita voltar ao alto rendemento ao noso deportista.

FRAN MONASTERIO LESIONADO NO UNIVERSITARIO DE LOITA

Este venres tivo lugar o Campionato de España Universitario de Loita no que participaban moitas das universidades do Estado xunto as galegas USC e UVigo e no que tivemos participando ao noso deportistas Fran Monasterio na categoría de máis de 90 kg.

Fran que formaba parte do equipo da USC non tivo moita sorte e tivo que retirarse tralo primeiro enfrontamento debido a unha lesión no xeonllo que posteriormente diagnosticouse como un esguince do ligamento lateral. A pesares de non ser unha lesión grave optouse por darlle prioridade á saúde e renunciar á loita polas medallas.

Agora toca recuperarse e voltar o antes posible aos adestramentos.

CONCENTRACIÓN INTERNACIONAL DE XÓVENES TALENTOS

Do 8 ao 12 de abril tivo lugar no CAR Infanta Cristina de Murcia a concentración internacional de xóvenes talentos de loitas olímpicas que acolleu deportistas de varios países como USA, Suecia ou Noruega ademais dun nutrido elenco de loitadores españois. O vilalbés Carlos Yobani García foi un dos loitadores convocados polo combinado español para formar parte da actividade que tivo como obxecto a preparación do Torneo Internacional de Jóvenes Promesas que disputaba esta fin de semana como unha actividade máis  orientada á formación do equipo español que este ano tentará unha participación histórica no europeo júnior que terá lugar en Pontevedra no mes de xuño.

2º POSTO PARA @S NOS@S PEQUES NA XORNADA NORTE DO XOGADE

Este sábado celebrouse a Xornada Norte do programa de Deporte Escolar da Secretaría Xeral para o Deporte XOGADE na Casa do Deporte do Concello de Lugo, e alí estivemos cunha representación das nosas categorías de base. En total desprazámonos con 24 deportistas que nos fixeron disfrutar co seu bo facer e a ilusión pola práctica deportiva e que acadaron o 2º posto por equipos, clasificándose deste xeito para a Final do Xogade que se celebrará o próximo 4 de maio en Vila de Cruces.
O equipo, dirixido polo nosos adestrador das categorías base Jose Luís Puentes, e estivo composto por:

• Manuel Rodríguez
• Nicolás Fonte.
• Xan García
• Alonso Maceiras.
• Mateo Cupeiro.
• Alén Balboa.
• Marco Gaute.
• Lucas Fernández.
• Bruno Pintos.
• Daniel Díaz.
• Enrique Seoane.
• Daniela González.
• Lara Fernández.
• Izan Pena.
• Hector Somoza.
• Alex Carballeira.
• Aldán Balboa.
• Andrés Maceiras.
• Nicolás González.
• Xoel Codesal.
• Jimena García.
• Lucas Díaz.
• Xiao Seoane.
• Kevín Cuba

 Estas actividades e formato en que se desenrolan contribúen a difundir o aspecto formativo do noso deporte e sirven para que pais e nais podan ver os progresos dos nenos e as nenas nun contexto lúdico, no que a competición queda relegada en favor da festa que supón participar no xogo.