JOSE CUBA ACADA O SEU DECIMO NOVENO TÍTULO DE CAMPIÓN DE ESPAÑA

O noso deportista máis destacado acaba de gañar o Campionato de España Sénior que se celebrou este sábado na localidade murciana de San Javier. Cuba, que disputou a categoría dos pesos pesados na modalidade de Libre Olímpica, acada así o seu décimo noveno título nacional absoluto sendo o loitador español con máis títulos de Campión de España. Para que nos fagamos unha idea da proeza do noso deportista so hai que pensar que moitos dos loitadores que participaron nestes campionatos de España aínda non naceran cando José Cuba gañaba o seu primeiro título de campión de España.

Esta é unha boa nova para Jose, que ven de  recuperarse dunha rotura dun dedo que o deixou sin participar no pasado Campionato de Europa.

O noso club tamén contou coa presenza de Catriel Pehuén que loitou representándonos nos pesos pesados pero na modalidade de grecorromana e que acadou unha valiosa prata para a nosa escola. Catriel fixo un gran esforzo para estar en San Javier pois ven de gañar o bronce nos Campionatos Panamericanos e representado a Arxentina, o seu país natal. O arxentino tivo a xenerosidade de desprazarse a Murcia dende Arxentina sen apanas descansar e loitando na modalidade de grecorromana, modalidade da que non é especialista, o que lle da un maior mérito a súa prata.

Agora os dous deportistas seguirán coa súa preparación en Vilalba coa vista posta no Gran Premio de España e despois o Mundial como primeira cita clasificatoria para os Xogos de París 2024.