Carlos Yobani García atópase dende onte concentrado co equipo español na capital búlgara para adestrar con algúns dos mellores loitadores europeos do momento. A Federación Española desprazou parte dos equipos sub23 e absoluto a Sofia co obxectivo de que os loitadores máis destacados teñan contacto con loitadores de alto nivel en plena preparación do período competitivo que comeza en pouco máis dun mes.Pablo García do Club de Loita Pontevedra é un dos outros galegos concentrados en Bulgaria e ambos, xunto co resto do equipo español, contarán co apoio de Pablo Pintos que participa en calidade de xefe de equipo xunto ao vasco Laureano Atanes.
Carlos que nesta tempada gañou o título de campión de España en tres categorías de idade diferentes ten como obxectivo acadar medalla nos principais campionatos continentais e mundiais do 2020.
Ningún comentario:
Publicar un comentario