FASE FINAL DA LIGA DE DEPORTE DE BASE DE LOITAS OLÍMPICAS

Este Sábado 22 de Maio tivo lugar a fase final da Liga de Deporte de Base de Loitas Olímpicas da Secretaría Xeral para o Deporte no pavillón municipal do Restollal de Compostela e na que participaron preto de 250 loitadores de 13 clubs galegos.
A provincia de Lugo estivo representada polas escolas deportivas municipais de Vilalba e o Coliseum de Rábade que remataron en 2º e 9º posto respectivamente.
O vencedor da liga foi a Escola Ayude de Melide cunha puntuación final de 709 puntos presentando o equipo máis numeroso de toda a competición. Vilalba con tan só 12 deportistas chegou aos 494 puntos seguido do Kuzushi de Vigo que con 16 deportistas rematou con 488 puntos.
O Coliseum de Rábade tivo unha participación moi salientable, pois cunha xornada menos e un equipo de 14 deportistas clasificouse no 9º posto con 291 puntos, mostra do bo traballo que está a levar a cabo Marcos Carral.
A composición do equipo vilalbés foi a seguinte:
FERMÍN SANZ CENDÁN
RAUL SANZ CENDÁN
ANGEL GARCÍA YAÑEZ
ALEJANDRO GAUTHIER SAMPAYO
ANDRÉS VILLARES VÁZQUEZ
BRAIS ARIAS APENELA
MARCOS VILLARES VÁZQUEZ
RUÁN VICTOR PINHEIRO
BORJA REY DOPICO
ANGEL ÁLVAREZ REY
LAURA VILLARES VÁZQUEZ
GABRIELA SHAENE PINHEIRO