Este é un blog que xurde en primeiro lugar para difundir a actividade do Club de Loitas Olímpicas de Vilalba e dos seus deportistas e tamén, para dar a coñecer no eido do territorio galego a influenza e espallamento deste milenario deporte nos diferentes lugares do mundo.
O noso deportista Kevin Cuba desprazouse á capital xunto aos compañeiros do Club de Loita Lugo Bruno Pintos e Marco Rodríguez.
Kevin acaba a tempada subindo ao máis alto do podio acadando o Ouro en menos de 97 kg absoluto mentres que Bruno e Marco lograron sendas pratas despois de varios enfrontamentos.
Con esta actividade damos por finalizada a tempada 2025 aínda que continuaremos cos adestramentos de Nadal para os deportistas que competirán no 2026.
O equipo galego na categoría U13 contou coa presenza dos vialalbeses Sara Martínez menos de 45 kg e Bruno Pintos do Club de loita Lugo na categoría masculina en menos de 55 kg. Ambos deportistas subiron ao podio gañando sendos bronces despois de gañar varios combates.
Os deportistas estiveron dirixidos por Pablo Pintos, técnico do Club de Loita Lugo que tamén desprazou a terras do País Vasco a varios loitadores do club da capital lucense.
A próxima cita para os nosos deportistas será o Torne
o Internacional de Burlada en Navarra.
O vilalbés que viaxou como parte da delegación policial española venceu todos os seus enfrontamentos ate a final na que caeu ante o representante polaco.
Aos seus 44 anos Cuba segue activo competindo e obtendo resultados en competicións de nivel internacional e este subcampionato de Europa non deixa de ser outro mericidísimo éxito deste deportista inagotable.
Esta fin de semana participamos no III Memorial Alexander Katchelaev que se celebrou na localidade pontevedresa de Sanxenxo na que o mítico adestrador soviético viviu durante a súa etapa en Galicia.
O noso equipo estivo formado por Adniel Montes en menos de 92 kg e Andi Maceiras en 80 kg na categoría U17, na que o primeiro acadou a prata mentres que Andi rematou en 7º lugar.
Na categoría U23 contamos con Kevin Cuba que acadou o Ouro en menos de 97kg e Xiao Seoane que tamén subiu ao podio cun bronce en menos de 74 kg.
Este torneo abre a pretempada de competicións preparatorias para o 2026 na que agardamos mellorar os resusltados deste 2025.
Na categoría U15 participaron Jimena García, que acadou a prata, e Héctor Somoza e Enrique Seoane, ambos con sendos bronces.
En U13 representáronnos Sara Martínez, que tamén subiu ao podio cun bronce, e Alejandra Valle que acadou o 4º posto da súa categoría.
O noso equipo contou coa axuda do técnico Catriel Pehuén que se desprazou a Madrid co combinado galego.
