Este é un blog que xurde en primeiro lugar para difundir a actividade do Club de Loitas Olímpicas de Vilalba e dos seus deportistas e tamén, para dar a coñecer no eido do territorio galego a influenza e espallamento deste milenario deporte nos diferentes lugares do mundo.
Nesta xornada acudimos con 30 nenas e nenos para disputar a final A na que nos enfrontabamos as 6 mellores escolas clasificadas nas xornadas norte e sur.
O primeiro clasificado foi o Keltoi de Vila de Cruces seguido do San Ignacio de Vigo en segunda posición.
Esta actividade ten un carácter lúdico na que as máis novas e os máis novos tentan demostrar o aprendido e, segundo os datos da federación, este ano houbo novas escolas que xuntaron a máis de 200 nenos nesta xornada final.
Os mellores clasificados foron Noela González cun bronce e Bruno Pintos (Club de Loita Lugo) cunha prata. Alonso Maceira, Sara Martínez e Alejandra Valle remataron no 7º posto nas súas respectivas categorías.
Esta foi a primeira participación nuns campionatos de España para a maioría dos e das participantes e supuxo toda unha experiencia para todos e todas.
A selección galega obtivo o primeiro posto por seleccións dando mostra do futuro do noso deporte.
Varios destes e destas deportistas participarán a semana que ven no Torneo Villa de Gijón e finais de maio na Xornada Final de Deporte Base rematando unha frenética final de tempada chea de eventos para os e as loitadoras vilalbesas.
