VILALBA CAMPIONA GALEGA DA LIGA DE DEPORTE BASE

 Onte tivo lugar en Santiago a Xornada Final da Liga Galega de Deporte Base na que o noso club proclamouse campiona por segundo ano consecutivo. A competición, adaptada ás características das e dos deportistas máis novos, reúne aos principais clubs galegos que forman equipos coas categorías prebenxamín, benxamín e alevín e que vanse clasificando para a Xornada Final en varias xornadas territorias previas.

Moitos dos nosos e das nosas deportistas non puideron participar na final debido á coincidencia nestas datas con outros compromisos pero a alta puntuación obtiva na Xornada Norte clasificatoria serviu de colchón para revalidar este primeiro posto.

Aos varios títulos de campións galegos e de España desta tempada sumamos agora este título que nos coloca por segundo ano consecutivo como a mellor escola de deporte base de loita en Galicia, o que da ánimos para seguir coa liña de traballo retomada trala crise sanitaria.

As próximas citas dos nosos deportistas serán o Gran Premio de España sénior e o posterior Mundial clasificatorio onde José Cuba pode culminar unha magnífica tempada para a loita Vilalbesa.

VILALBA CAMPIONA DA LIGA DE DEPORTE BASE

O noso club rematou Campión da Liga Galega de Deporte de Base tras a xornada final que tivo lugar este sábado no Pavillón Municipal de Oira de Ourense. Tras clasificarnos para a esta fase final no Grupo A na Xornada Norte do pasado mes de abril, enfrontámonos aos 6 primeiros clasificados nas súas respectivas fases clasificatorias. En total xuntáronse preto de 300 loitadores de toda Galicia de máis de 10 clubs, sendo o noso o máis numeroso con 43 deportistas, 7 delas rapazas, mostra do contínuo avance que está a ter a loita feminina.

Con 149 puntos superamos ao segundo clube, tan numeroso coma o noso, o Keltoi de Vila de Cruces e acadamos un primeiro posto que nos fixo moita ilusións despois duns anos postpandemia tan complicados.

O equipo estivo composto por compoñentes das escolas municipais de loita dos concellos de Vilalba e Xermade e tamén contamos co reforzo de Boris e Petro Reshentniak, dous nenos ucranianos aos que o destino trouxo a Vilalba escapando da guerra de Ucrania.

VILALBA 2ª NA XORNADA NORTE DE DEPORTE BASE

Despois de case 3 anos sen competicións de deporte base os maís pequenos volveron facernos disrutar dunha das competicións que máis nos gustan aos e ás afeccionados á loita. Este sábado tivo lugar no Pavillón Municipal de deportes de Lugo a Xornada Norte de Deporte Escolar de loitas olímpicas que xuntou a clubs de Lugo, centro de Pontevedra provincia, A Coruña, Ourense e Asturias.

En total máis de 150 nenos e nenas tentaron demostrar o aprendido nestes meses despois de dous anos de parón demostrando as gañas que todos tiñamos de volver ao tapiz.

O noso equipo desprazouse a Lugo cun equipo de 32 deportistas (8 nenas e 24 nenos) acadando 0 2º posto por equipos por detrás do Ayude de Santiso. Os 3 primeiros clasificados poderán participar na Final A da Xornada Final de Deporte Base que terá lugar no próximo mes de maio.

Máis aló do resultado, estas actividades buscan que os mais pequenos e pequenas podan participar independentemente do seu nivel e tempo de adestramento e xunto á boa organización fan que este tipo de eventos sexan  cada vez máis numerosos.