ADESTRAMENTOS DE VERÁN

 

Outro ano máis ofrecemos adestramentos de mañá durante os mes de xuño para o noso alumnado. Máis de 30 deportistas participaron nunhas sesións de adestramento diferentes ás do resto do ano nas que incluíanse sesións técnicas, de preparación física e lúdicas coa visita ás piscinas municipais descubertas grazas á coloboración do Concello de Vilalba.

Ate o noso Concello tamén se achegaro deportistas doutros clubs galegos para participar nestas xornadas que remataron cun xantar no río da Madalena.

KEVIN CUBA PRATA NO CAMPIONATO DE ESPAÑA SÉNIOR

O noso deportista Kevin Cuba acaba de proclamarse subcampión de España sénior esta fin de semana na localidade valenciá de Sagunto.

Kevin participou na categoría de 125 kg, unha superior á súa en sustitución do vilalbés José Cuba que non puido participar por molestias no xeonllo. 

O noso deportista acada así a súa terceira medalla nacional nesta tempada despois do ouro en U20 e a prata en U23. Esta medalla ten moito mérito dando mostra da progresión de Kevin, que sendo aínda U20 de primeiro ano estivo a piques de gañar o absoluto nunha axustada final decidida aos puntos ante o madrileño Carlos Acebrón.

A seguinte cita para Kevin será esta semana que entra en Rumanía onde loitará o torneo internacional de Bucarest co obxectivo de ser seleccionado para o europeo U20.

Con esta prata de Kevin sumamos 8 medallas en campionatos de España nesta tempada, 3 delas ouros, o que da unha mostra da progresión do noso alumnado.

KEVIN CUBA REMATA EN 7º POSTO NO TORNEO INTERNACIONAL DE RUMANIA

 

Kevin Cuba rematou 7º no prestixioso Torneo Internacional  de Rumanía despois de disputar varios combates ante os representantes rumanos e alemanes destacados na cita.

 

O campinato serviu de preselección para os Campionatos do Mundo da categoría e a pesares de non subir ao podio, o noso deportistas amosou un gran nivel ao rivalizar nun plano de igualdade con varios deportistas titulares nos equipos nacionais de países punteros neste deporte.

MAURO BASANTA BRONCE NO CAMPIONATO DE ESPAÑA U13

Esta fin de semana tiveron lugar en Sevilla os Campionatos de España U13 e ate alí fumos con 4 dos nosos alumnos formando parte da selección galega que finalizou o campionato coa segunda praza en Libre Olímpica e Libre Feminina.

Os nosos deportistas en Sevilla foron Isaac Funcasta que rematou en 9º posto,, Carla Cazás e Daniela González clasificadas en 4º posto e Mauro Basanta que destacou no seu primeiro campionato de España rematando a súa participación cun Bronce.

Todos os nosos deportista amosaron un gran desempeño gañando varios combates na súa primeira participación nun Campionato de España.

O equipo galego tamén contou coa representación doutra deportista lucense, Enma García do Club de Loita Lugo tamén se estreou nun campionato de España acadando outro bronce para o equipo galego.

KEVIN CUBA CONCENTRADO CO EQUIPO NACIONAL U20

O noso deportista estivo convocado co equipo nacional U20 en Madrid durante esta semana para participar na concentración internacional co equipo Alemán co obxectivo de preparar a participación no Torneo Internacional de Rumanía.

Esta foi a primeira actividade preparatoria para os eventos internacionais nos que Kevin agarda participar co obxectivo de clasificarse para o Campioanto de Europa e o Mundial deste 2026.