KEVIN CUBA PRATA NO CAMPIONATO DE ESPAÑA SÉNIOR

O noso deportista Kevin Cuba acaba de proclamarse subcampión de España sénior esta fin de semana na localidade valenciá de Sagunto.

Kevin participou na categoría de 125 kg, unha superior á súa en sustitución do vilalbés José Cuba que non puido participar por molestias no xeonllo. 

O noso deportista acada así a súa terceira medalla nacional nesta tempada despois do ouro en U20 e a prata en U23. Esta medalla ten moito mérito dando mostra da progresión de Kevin, que sendo aínda U20 de primeiro ano estivo a piques de gañar o absoluto nunha axustada final decidida aos puntos ante o madrileño Carlos Acebrón.

A seguinte cita para Kevin será esta semana que entra en Rumanía onde loitará o torneo internacional de Bucarest co obxectivo de ser seleccionado para o europeo U20.

Con esta prata de Kevin sumamos 8 medallas en campionatos de España nesta tempada, 3 delas ouros, o que da unha mostra da progresión do noso alumnado.

MAURO BASANTA BRONCE NO CAMPIONATO DE ESPAÑA U13

Esta fin de semana tiveron lugar en Sevilla os Campionatos de España U13 e ate alí fumos con 4 dos nosos alumnos formando parte da selección galega que finalizou o campionato coa segunda praza en Libre Olímpica e Libre Feminina.

Os nosos deportistas en Sevilla foron Isaac Funcasta que rematou en 9º posto,, Carla Cazás e Daniela González clasificadas en 4º posto e Mauro Basanta que destacou no seu primeiro campionato de España rematando a súa participación cun Bronce.

Todos os nosos deportista amosaron un gran desempeño gañando varios combates na súa primeira participación nun Campionato de España.

O equipo galego tamén contou coa representación doutra deportista lucense, Enma García do Club de Loita Lugo tamén se estreou nun campionato de España acadando outro bronce para o equipo galego.

KEVIN CUBA CONCENTRADO CO EQUIPO NACIONAL U20

O noso deportista estivo convocado co equipo nacional U20 en Madrid durante esta semana para participar na concentración internacional co equipo Alemán co obxectivo de preparar a participación no Torneo Internacional de Rumanía.

Esta foi a primeira actividade preparatoria para os eventos internacionais nos que Kevin agarda participar co obxectivo de clasificarse para o Campioanto de Europa e o Mundial deste 2026. 

3º POSTO NA LIGA DE DEPORTE BASE

Este sábado viaxamos a Ourense para celebrar a final da liga de Deporte Base que celebrouse no pavillón municipal de Oira.

A nosa escola que so pudo viaxar con 17 deportistas rematou en 3º posición da liga A por detrás do Keltoi de Vila de Cruces e o San Ignacio de Vigo.

Con esta actividade finalizamos a competición máis lúdica das categorías inferiores aínda que varios destes deportistas continuarán competindo en diferentes actividades. A primeira, o Campionato de España U13 que o próximo fin de semana terá lugar en Sevilla e na que participarán dous loitadores e dúas loitadoras da nosa escola.

 

TORNEO VILLA DE GIJÓN

Este sábado 25 abril viaxamos a Gijón para participar no tradicional torneo Villa de Gijón no que estiveron presentes algúns dos clubs máis potentes de España.

O noso equipo, xunto ao Keltoi de Vila de Cruces conformou a selección galega que participou no evento acadando o 3º posto en Libre Feminina e o 4º posto en Libre Masculina por equipos.

Destacar que o noso alumnado acadou o pleno de medallas subindo todos eles ao podio.

 Noela González Carreira, Enrique Seoane e Sara Martínez obtiveron o ouro tras gañar as súas categorías.

Pola súa banda, Jimena García e Héctor Somoza acadaron sendas pratas mentres que Andrés e Alonso Maceiras, Kevin Cuba e Marco Gaute fixéronse co bronce nas súas categorías.

VARIOS DEPORTISTAS VILALBESES CONCENTRADOS CO EQUIPO NACIONAL U15

Varios dos nosos deportistas participaron nas concentracións dos equipos nacionais da categoría U15 feminina e masculina que tiveron lugar  do 15 ao 19 de abril en San Javier (Murcia) e La Nucia (Alicante) respectivamente.

Jimena García foi convocada polo equipo feminino U15 despois de gañar o pasado Campionato de España da súa categoría. En La Nucia, co equipo masculino estiveron concentrados Enrique Seoane e Héctor Somoza.

2º POSTO NA XORNADA NORTE DA LIGA DE DEPORTE BASE

 

Este sábado participamos na Xornada Norte da Liga de Deporte Base que se celebrou en  Vilalba.

O noso equipo composto por 26 deportistas de entre 8 e 13 anos rematou en segundo posto por detrás do Keltoi de Vila de Cruces.

Esta competición ten un compoñente lúdico con reglas simplificadas e adaptadas ás categorías de base co obxectivo de que participen todos os nenos e as nenas con independencia do seu nivel.

A nosa escola participará agora na final A que terá lucgar o próximo 16 de maio e que se enfrontarán os 3 primeiros equipos desta xornada e os 3 primeiros da Xornada Sur.

KEVIN CUBA PRATA NOS CAMPIONATOS DE ESPAÑA U23

 Este domigo, nos Campionatos de España da categoría U23 celebrados en Langreo, o noso deportista Kevin Cuba acadou a prata en menos de 97 kg. 

O vilalbés volve subir ao podio dúas semanas despois de proclamarse campión de España U20 na súa categoría.

CAMPIONATOS DE ESPAÑA U15 e U17

Esta fin de semana tiveron lugar os Campioantos de España das categorías U15, U17 e U23 na localidade asturiana de Langreo.

Varios dos nosos deportistas e outros loitadores da provincia competiron na proba amosando o nivel crecente da loita lucense. Tanto os loitadores vilalbeses como os lucenses puxeron sobre o tapiz un alto desempeño contribuíndo ao terceiro posto da Selección Galega no clasificatorio por equipos nas categorías CESA (U15 e U17).

Dos nosos deportistas na categoría U15 destacaron Jimena García, que se proclamou Campiona de España,  Sara Martínez e Enrique Seoane que obtiveron sendos bronces, e Héctor Somoza e Noela González que nas repescas remataron en quinta posición. Por parte do Club de Loita Lugo destacar o bronce de Bruno Pintos e o décimo posto de Nicolás Seijas.

Na categoría U17, disputada na xornada do sábado tarde, destacaron Matero Paredes co seu Ouro en menos de 110 kg e Andrés Maceira que remataou en décima posición en menos de 80 kg.

KEVIN CUBA CAMPIÓN DE ESPAÑA U20

O noso deportistas Kevin Cuba proclamouse Campión de España en menos de 97 na categoría U20 nos Campionatos de España que se celebraron este domingo en Madrid. O vilalbés domiñou a categoría facendo patente a súa progresión deportiva contribuíndo ao segundo posto por equipos da selección galega en libre olímpica masculina.

Xiao Seoane tamén participou en Madrid acadando o 7º posto en menos de 70 kg.

Galicia obtivo dous ouros máis en libre feminina (Nadya Zholtikova do Pontevedra e Ana Ferro do Club Senín) e outro ouro máis xunto ao de Kevin Cuba en libre olímpica de Joel Castro do Keltoi, o que serviu para obter o segundo posto por equipos en libre olímpica e o terceiro en Gecorromana e en Libre Feminina.

A próxima cita para os nosos deportistas serán os Campionatos de España U15, U17 e U23 que terán lugar en Langreo en dúas semanas.

CAMPIONATOS GALEGOS U13, U17 E SENIOR

Hoxe tiveron lugar no pavillón vigués de Teis os campionatos galegos das categorías U13, U15 e Senior. Na xornada de maña loitaron os deportistas das categorías U13 e U15 nas que participaron parte do noso alumnado.

Na categoría U13 contamos con Carla Cazás (Ouro), Daniela González (Prata), Norah Santos (abandono por lesión), Isaac Folgueira (Ouro) e Mauro Basanta (Prata).

En U17 contamos coa participación de Sara Martínez (ouro), Mateo Paredes (Ouro), Héctor Somoza (Bronce ), Andrés Maceira (Bronce) e Enrique Seoane (5º).

Pola tarde loitaron os nosos senior cun pleno de podios. Jose Cuba (Ouro), Catriel Pehuén (Ouro), Angel Cortés (Ouro) e Kevin Cuba (Prata).

Poñemos agora a vista nos campionatos de España das diferentes categorías que terán lugar nos próximos meses e nos que contaremos coa participación de varios dos nosos deportistas.

CAMPIONATOS GALEGOS U15 e U20

 

Este sábado tiveron lugar os Campionatos Galegos de de Loitas Olímpicas das categorías U15 e U20 nas que o noso club clasificouse en 3º lugar por equipos. 

O campionato disputouse no Pazo Provincial de Deportes de Lugo en xornada de tarde e ate alí desprazámonos cun equipo moi variado.

Na categoría U15 contamos cos Ouros de Sara Martínez, Noela González Carreiras, Jimena García e Bruno Pintos que loitou polo Club Loita Lugo.

Na mesma categoría de idade Noelia Vilasuso e Héctor Somoza acadaron sendas pratas,  e Enrique Seoane e Marco Gaute fíxeron bronce. Alonso Maceira rematou a participación neste categoría cun meritorio 6º posto.

Na categoría U20 o gran domiñador foi Kevin Cuba que gañou en 97 kg tanto en libre como grecorromana. Xiao Seonae e Adniel Montes de Oca acadaron o bronce mentres que Mateo Paredes, Andres Maceira e Gabriel Facal remataron en 6ª posición.

Varios destes deportistas clasifícáronse directamente para os próximos campionatos de España da categoría que terá lugar en Langreo o próximo 28 de marzo.

O 14 de febreiro teremos outra cita en Vigo para disputar os Campionatos Galegos das categorías U13, U17 e Sénior.

O sábado pola mañá tamén tiveron lugar o Campionato Galego Sénior de Loita Sambo na que o noso técnico Catriel Pehuen estreouse nesta modalidade acadando o bronce dos pesos pesados.