CARLOS YOBANI GARCÍA CONCENTRADO EN BULGARIA

Carlos Yobani García atópase dende onte concentrado co equipo español na capital búlgara para adestrar con algúns dos mellores loitadores europeos do momento. A Federación Española desprazou parte dos equipos sub23 e absoluto a Sofia co obxectivo de que os loitadores máis destacados teñan contacto con loitadores de alto nivel en plena preparación do período competitivo que comeza en pouco máis dun mes.
Pablo García do Club de Loita Pontevedra é un dos outros galegos concentrados en Bulgaria e ambos, xunto co resto do equipo español, contarán co apoio de Pablo Pintos que participa en calidade de xefe de equipo xunto ao vasco Laureano Atanes.
Carlos que nesta tempada gañou o título de campión de España en tres categorías de idade diferentes ten como obxectivo acadar medalla nos principais campionatos continentais e mundiais do 2020.

JOSÉ CUBA CONCENTRADO EN MADRID

O noso deportista José Cuba permanece concentrado no CAR do Consello Superior de Deportes de Madrid adestrando con parte da selección española das categorías júnior e sénior. O vilalbés permanecerá en Madrid do 18 ao 29 de novembro onde compaxinará diferentes cursos formativos cos adestramentos do CAR impartidos por Francisco Barcia. Alí tamén estarán parte dos galegos que compoñen os diferentes equipos españoles como Lydia Pérez do Club Pontevedra ou Nerea Pampín do Keltoi.
De regreso a Vilalba o noso deportista centrarase na preparación das principais competicións do 2020 destinadas á clasificación para os Xogos de Tokio.

NOVA CAMPAÑA CONTRA A VIOLENCIA DE XÉNERO

Unha nova campaña de concienciación realizada pola Xunta de Galicia, dentro do Pacto de Estado contra a Violencia de Xénero

CUBA 9º NOS WORD BEACH GAMES

O noso deportista máis destacado ven de participar nos Xogos Mundiais de Deportes de Praia que estanse a celebrar en Doha (Catar) e no que tivo unha dura competición que o levou a enfrontarse aos principais puntáis mundias da modalidade. Tanto é así que o vilalbés tivo que enfrontarse en primeira rolda ante o acerí Oian Nazariani para logo caer na loita polas medallas ante o rumano Rares Chintoan e o georgiano Makuma Kordzaia. A categoría acabouna domiñando o iraní Pouya Rahmani.
Destes Xogos destacamos o bronce do canario Pedro García en menos de 90 kg.
Agora Cuba regresa a Vilalba coa vista posta nos clasificatorios de 2020 para os Xogos de Tokio. No mes de novembro contamos con albergar actividades de adestramento con deportistas internacionais que tamén teñan como obxectivo a clasificación olímpica.

CUBA REMATA O MUNDIAL LONXE DE CLASIFICARSE PARA TOKIO 2020

O noso deportista ven de participar no Mudial absoluto que estase a disputar na capital kazaja de Nur Sultan e onde os mellores loitadores do mundo buscan acadar as primeiras prazas para os Xogos de Tokio 2020.
No caso de Cuba terá que esperar ao mes de marzo para ter outra oportunidade de clasificarse ao caer nas roldas de clasificación ante o austriaco Johannes Ludescher por 4 puntos a 0. O Austriaco fixo o mesmo caendo en oitavos ante o sirio Badzha Khutaba o que deixaba ao vilalbés fóra das eliminatorias de repesca para loitar polas medallas e polo tanto sen posibilidades de acadar un dos 6 primeiros postos que outorgaron o pasaporte directo para Tokio.
Na súa categoría acabou domiñando o georgiano Geno Petriashvili que venceun na final ao turco e campión olímpico Taha Akgul. Os bronces foron para o uzbeco Rakhimov e o ucraniano Khosianivskyi que venceron na repesca ao chino Deng e o sirio Khutaba. Estes 6 loitadores atópanse clasificados para Tokio polo que o vilalbés xa non terá que enfrontarse a eles nas seguintes probas clasificatorias.
Do resto do equipo español destacaron a galega Lydia Pérez que a pesares de gañar a primeira rolda ante a represente neozelandesa non puido seguir na competición ao perder ante a sueca Johansson. Friev en menos de 86 kg foi o máis preto estivo de meterse nos postos olímpicos puidendo conseguilo de non ser pola inesperada derrota ante o austriaco Reichmond despois de ter gañado a varios dos favoritos da categoría.
Para Cuba agora toca regresar a casa e tomar dúas semanas de recuperación antes de retomar a preparación para os torneos clasificatorios que comezarán en marzo xa do próximo ano.