UN BRONCE NOS CAMPIONATOS DE ESPAÑA CADETE

Esta fin de semana celebráronse os campionatos de España das categorías cadete e escolar en Torre del Campo (Jaén) no que a Federación Galega acadou o segundo posto por selecións en libre masculina e en libre feminina.
En parte, o éxito do equipo masculino cadete debeuse a participación dos vilalbeses Rubén Fraga en menos  de 71 kg e Samuel García Miragaya en menos de  60 kg. O primeiro acadou un merecido bronce cedendo únicamente ante o madrileño Gabriel Iglesias que acabou domiñando o podio.
Pola súa banda, Samuel fixo un bo campionato nunha categoría moi reñida e concorrida, e aínda que comezou o campionato domiñando a categoría o cruce no seu grupo co campión Felipe Ferrusola que o relegou á repesca na loita polo bronce. Foi aquí, na repesca, onde non tivo sorte e cedeu o que sería o segundo bronce para Vilalba ante o madrileño Doblas. Samuel está becado no CGTD de Pontevedra onde adestra todos dos días baixo a tutela de Alexander Katchalaev sendo aínda cadete de primeiro ano.
Co bronce de Rubén, e á espera de desputar os Campionatos de España júnior o próximo 31 marzo, o vilalba xa suma 6 medallas nos diferentes campionatos de España desta tempada, 4 delas de ouro.
Seguiremos traballando para tentar rematar unha tempada histórica na busca dun broche dourado nos europeos júnior e o mundial sénior, primeira proba clasificatoria para Tokio 2020.

UN CAMPIONATO DE ESPAÑA PARA LEMBRAR

Onte celebrouse no Pavillón Municipal de Santa Isabel de Santiago de Compostela o Campionato de España Sénior de loitas olímpicas no que varios dos nosos loitadores firmaron unha xornada para historia da loita vilalbesa.
Comezar polo incombustible José Cuba que ven de acadar un novo título de Campión de España absoluto, e con este xa son 15. O vilalbés non só leva casi dúas décadas domiñando os pesos pesados senón que segue a ser unha das principais alternativas da loita española a nivel internacional. Este título  é un empurrón para comezar a preparar a fase clasificatoria para Tokio 2020 que comeza este ano co Mundial absoluto. Antes terá, como
cita obrigatoria, o próximo Europeo que se celebrará en Bucarest o 13 de abril.
O outro gran protagonista da loita vilalbesa foi Carlos Yobani García, que acadou un meritorio ouro en menos de 70 kg. Carlos que aínda é júnior acada así o seu segundo título de Campión de España nesta tempada ao alzarse co ouro nos pasados estatais da categoría Sub23. Este resultado confirma a progresión deste novo deportista que aínda terá a posibilidade de acadar un terceiro título estatal nos próximos Campionatos de España júnior, categoría na que agarda poder desputar os europeos que este ano celebraranse en Pontevedra.
En Santiago tivemos máis representación vilalbesa da man de Ramón Monasterio en menos de 96 kg e Oussama Lahnin en menos de 79 kg, e que a pesares de facer un bo campionato non tiveron posibilidade de loitas polas medallas.
Tamén houbo máis representación lucense da man dos compañeiros do Club de Loita Lugo e o Rábade dos que temos que destacar o bronce de Sabela Chan en menos de 72 kg do Lugo, deportista que adestra Pablo Pintos e que confirma o avance da loita feminina na provincia. Tamén do Lugo, tivemos a presenza de Clemente Alves e Dafne Nogueiras, áinda que ao igual que os compañeiros do Club Rábade Jonathan Pernas en grecorromana menos de 87 kg e Carmen Carrasco en menos de 62 kg non tiveron posibilidades de loitar polas medallas.
Agora comezaremos a preparar as próximas citas, xa no eido internacional. A primeira o próximo Campionato de España júnior que se celebrará o 30 de marzo en Jaén e despois o Europeo sénior que nos levará a Bucarest o 13 de abril.

VILALBA SUBCAMPIONA GALEGA JÚNIOR

Esta fin de semana celebráronse non pavillón do CGTD de Pontevedra os campionatos galegos de loitas olímpicas das categorías escolar e júnior. Vilalba acudiu cun equipo de 4 loitadores na catecgoría júnior despois de varias baixas de útlima hora que reduciron o equipo prácticamente á metade.
Aínda así o noso club puido subir ao podio por equipos acadando un segundo posto tras o Ouro de Samuel García Miragaya en menos de 62 kg, e as pratas de Roberto Díaz Orosa en menos de de 70 kg, Rubén Fraga Cal en menos de 74 kg e Oussama Lahnin en menos de 79 kg.
En Pontevedra tamén participaron os compañeiros do Rábade acadando un Ouro da man de Carmen Carrasco en menos de 62 kg e unha prata por parte de Jonathan Pernas en menos de 86 kg.
A próxima cita será o campionato de España sénior que se celebrará en Santiago o próximo 2 marzo e no que estarán varios dos loitadores da provincia.

OUROS DE CARLOS E RAMÓN NO CAMPIONATO DE ESPAÑA SUB23

Esta fin de semana veñen de celebrarse os campionatos España de loitas olímpicas da categoría Sub23 na localidade madrileña de Guadalix nos que tivemos unha exitosa participación dos loitadores vilalbeses. Despois da espectacular estrea da tempada co dominio do Vilalba nos pasados campionatos galegos nos que acadamos os primeiros postos por equipos, chega agora o pleno de podios dos nosos loitadores no estatal Sub23 e o subcampionato de España por equipos na categoría.
En menos de 65 kg Carlos Yobani García acadou o Ouro impoñéndose nunha das categorías máis complicadas e consolidándose como un dos referentes da loita española das categorías previas á absoluta.
Ramón Monasterio fixo o mesmo en 97 kg pero nunha categoría menos concurrida e na que houbo importantes baixas. A pesares de que, ao noso entender, Ramón é principal favorito da categoría terá que facer un destacado papel nos próximos campionatos de España sénior ante loitadores máis competitivos se quere ter posibilidades de entrar no circuito internacional convocado co equipo español Sub23.
A participación vilalbesa remata coa plata de Oussama Lahnin en menos de 79 kg, metal moi meritorio si temos en conta que era a primeira vez que Oussama participa nun estatal. A prata de Oussama nos reafirma no potencial deste deportista que no pouco tempo que leva adestrando atópase xa integrado no equipo de competición do Vilalba que adestra tódolos días.
A representación lucense pechouse coa prata de Dafne Nogueiras do Club de Loita Lugo que baixo o asesoramento de Pablo Pintos acadou o primeiro metal feminino para o club lucense seguindo o camiño que no seu día abriron as loitadoras do Rábade.
Seguimos agora preparando os próximos campionatos galegos e de España coa vista fixa nas dúas grandes citas da tempada, o mundial absoluto clasificatorio para Tokio 2020 e o europeo júnior que este ano celebrarase en Pontevedra.

CAMPIÓNS GALEGOS SÉNIOR E CADETE

O equipo de Vilalba ven de acadar os primeiros postos por equipos nos campionatos galegos das categorías sénior e cadete que se celebraron este sábado no Pavillón Muncipal Santa Isabel de Santiago.
Acudíamos á cita con varias baixas de última hora polo que non contabamos con copar o alto do podio nas dúas categoría, pero o bo trabals novas promesas como dos máis veteranos levounos a dominar a modalidade de libre olímpica masculina tanto en sénior como en cadete.
Tamén temos que destacar a actuación do resto dos clubs da provincia xa que entre o Rábade, o Lugo e o Vilalba acadáronse 24 medallas.

Os resultados por equipos e individuais foron os seguintes:

CLUB DE LOITAS OLÍMPICAS VILALBA: 1º posto Sénior en Libre Olímpica Masculina, 2º posto en Grecorromana Masculina e 1º posto en Libre Olímpica Cadete.

• SENIOR:

1. JOSE CUBA: Ouro en libre olímpica menos de 125 kg e en Grecorromana en menos de 130 kg.
2. RAMÓN MONASTERIO: Ouro en libre olímpica en menos de 96 kg e Ouro en grecorromana en menos de 97 kg.
3. JOSE LUÍS PUENTES:  Ouro en libre olímpica en menos de 92 kg.
4. JAVIER ROUCO REGO: prata en libre olímpica en menos de 96 kg.
5. OSAMA LAHNIN: prata en libre olímpica en menos de 79 kg.
6. MARCOS CARRAL: prata en libre olímpica en menos de 65 kg.
7. ROBERTO DÍAZ OROSA:  prata en grecorromana en menos de 67 kg.

• CADETE:

1. MARTÍN PENA LAMA: ouro en libre olímpica en menos de 92 kg
2. RUBÉN FRAGA CAL: prata en libre olímpica en menos de 71 kg.
3. SAMUEL GARCÍA MIRAGAYA: ouro en libre olímpica e ouro en grecorromana en menos de 60 kg.

CLUB DE LOITA RÁBADE:

• SÉNIOR:

1. CARMEN CARRASCO: Prata en Libre Feminina en menos de 62 kg.
2. GERGANA DIMITROVA: Prata en libre feminina en menos de 68 kg.
3. MARTÍN VÁZQUEZ: Broncen en libre masculina menos de 92 kg e prata en Grecorromana en menos de 97 kg.
4. JONATHA PERNAS: Bronce en libre masculina menos de 86 kg.

CLUB DE LOITA LUGO: 3º posto por equipos en en sénior libre feminina.

• SÉNIOR:

1. DAFNE NOGUEIRA: Ouro en libre feminina en menso de 62 kg.
2. SABELA CHAN:  Prata en libre feminina en menos de 72 kg.
3. CLEMENTE ALVES: bronce en libre olímpica en menos de  65 kg.
4. NICOLÁS LÓPEZ: Prata en grecorromana en menos de 130 kg.

• CADETE: ANTÓN LEIVAS: Prata en libre olímpica  e prata en grecorromana en menos de 45 kg.

Agora toca seguir preparando as próximas citas, algúns terán xa que medirse o primeiro fin de semana de febreiro no Campionato de España Sub 23 que se celebrará en Madrid.

Moita sorte a todos.