ÉXITO DA LOITA LUCENSE NOS CAMPIONATOS GALEGOS DE LOITAS OLÍMPICAS SENIOR E CADETE

Os loitadores dos clubs de Rábade e Vilalba destacaron hoxe nos campionatos galegos de loitas olímpicas que se celebraron no pavillón do CGTD de Pontevedra subindo ao podio en tódalas categorías. En concreto o Club Vilalba acadou o primeiro posto por equipos na categoría cadete na modalidade de grecorromana e na categoría senior en libre olímpica e segundo en grecorromana. Polo súa banda os compañeiros do Rábade acadaron o segundo posto en cadete grecorromana e o terceiro posto  en cadete libre olímpica e cadete libre feminina.
Hai que recoñecer o progreso que está a experimentar a loita na provincia e que de seguro irase materializando en máis e mellores resultados de novos deportistas que siguen a estela doutros loitadores como Nicolás Castro ou José Cuba. Precisamente Cuba (Vilalba) foi o gran dominador da máxima categoría ao impoñerse en libre olímpica a Francisco Monasterio que rematou en segundo posto e Catriel Pehuén  que acadou o bronce, ambos tamén loitadores do Vilalba. José Cuba centrarase agora en comezar un complexo programa de adestramento para preparar o próximo campionato de España e a posterior clasificación para os Xogos de Río 2016.
O outro gran éxito para Vilalba veu da man de Pablo Chao "Chuli" que alzouse co ouro en menos de 74 kg tanto en libre olímpica como na modalidade de grecorromana. Este é un magnífico resultado nesta complexa categoría e moi esperado por este deportista que tanto se esforzou por acadalo.
En cadete temos que resaltar tamén os ouros de Roberto Díaz Orosa (Vilalba) en menos de 50 kg tanto en libre como en greco, así como o de Cristian Pumares (Rábade) que amosou unha grande superioridade na categoría. Caique de Meneces en greco menos de 63 kg e Cristian Pumares en ambas modalidades en menos de 76kg e Yago López en menos de 85 kg deron a sorpresa ao acadar sendos ouros que os clasifican para participar no campionato de España dentro dun mes.
Pero os podios dos loitadores lucenses foron máis de feito, todos los deportistas da provincia subiron ao podio. O resumo dos principais resultados foron os seguintes:

VILALBA:

+SENIOR:

• José Cuba Vázquez. Ouro en libre olímpica menos de 125 kg.
• Francisco Monasterio: Ouro en Grecorromana e prata en libre olímpica menos de 125 kg.
• Catriel Pehuén: bronce en libre olímpica e prata en grecorromana menos de 125 kg 
• Ramón Monasterio Portela: Prata en libre olímpica e grecorromana menos de 96 kg.
• Angel García Roibás: Bronce en libre olímpica menos de 96 kg.
• Pablo Chao Durán: ouros en libre olímpica e grecorromana en menos de 74 kg.
• Marcos Carral Suárez: Bronce en libre olímpica menos de 65 kg.

+CADETE:

• Roberto Díaz Orosa: Ouros en menos de 50 kg en Libre Olímpica e Grecorromana.
• Carlos Yobanni García:  Prata en menos de 55 kg en Libre Olímpica e Grecorromana.
• Yago López Fernández: Ouros en menos de 85 kg en Libre Olímpica e Grecorromana.
• Caique de Meneces: Ouro en grecorromana e  prata en libre Olímpica  en menos de 63 kg.

RÁBADE:

+SENIOR:

• Martín Vázquez:  prata en libre olímpica e bronce en grecorromana en menos de 84 kg.
• David Grandío: bronce en libre olímpica e prata en grecorromana en menos de 84 kg.
• Laura Pena: prata en menos de 48 kg.

+CADETE:

• Cristian Pena: Bronce en grecorromana e cuarto en libre olímpica en menos de 58 kg.
• Cristian Pumares:Ouros en libre olímpica e grecorromana en menos de 76 kg.
• Angel Campo: bronce en libre e prata en grecorromana en menos de 100 kg.
• Laura Arias:  prata en menos de 52 kg.
• Gergana Dimitrova: prata en menos de 60 kg.

Queremos agradecer ao Clube de Loita de Lugo e a Pablo Pintos por axudarnos coa cesión de xuíces, sen a súa colaboración os nosos clubes non poderían tomar parte do evento, así como o traballo do tamén vilalbés Marcos Miragaya que como responsable do Clube Pontevedra organizou un evento digno de resaltar.

Para finalizar felicitar a todos os gañadores e en especial aos clubs Keltoi, San Ignacio e Sabarís por subir ao máis alto do podio nalgunha das categorías.

Noraboa a todos!!
VER MÁIS FOTOS

NICOLAS CASTRO COMO ADESTRADOR EN CUBA

O vilalbés Nicolás Castro regresa a Cuba  para asistir aos prestigiosos torneos internacionais de Cerro Pelado e o Gramma pero nesta ocasión como parte do corpo de seleccionadores estatais.
O vilalbés xa estivera concentrado no país caribeño durante un mes a principios dos dos mil disputando ambos eventos. Durante a súa estancia no centro olímpico da Habana entablou amizade con algúns dos loitadores do momento como o campión mundial Alexis Rodríguez que años despois foi o noso convidado aquí en Vilalba axudando a José Cuba na súa preparación preolímpica.
Hoxe como adiestrador, Nicolás da continuación á súa longa vida deportiva facendo de embaixador da súa terra e abrindo portas para que os nosos loitadores conten con máis posibilidades de viaxar e adestrar con deportistas de nivel internacional.
Nicolás permanecerà en Cuba preto dun mes e seguro que aproveitarà a súa experiencia para axudar ao equipo español de cara ás próximas citas internacionais.

JOSE CUBA REMATA NO 9º POSTO NO GRAND PRIX DE PARIS.

O vilalbés José Cuba achacou a falla de adestramento regular na capital francesa nesta primeira cita internacional da tempada. O noso deportista viaxou á competición co obxectivo de avaliar o estado de forma de cara aos preolímpicos que comezan no 2015, e aínda que caeu en primeira rolda ante o polaco Skaskiewicz afirma que as sensacións non son malas  e que conta con poder comezar a adestrar de maneira máis regular para afrontar a clasificación para os Xogos Olímpicos de Río 2016 con éxito.
O Grand Prix tamén supuxo a volta á competición internacional de Maider Unda que, ao igual que Cuba, tomou este evento como punto de partida para a súa preparación de cara aos clasificatorios. A vasca que tamén perdeu o primeiro combate, deu unha nova mostra de superación persoal ao demostrar un altísimo nivel de competición tras dar a luz hai pouco máis de 6 meses.
Esperamos poder poñernos a traballar con toda a ilusión para que podamos contar cun vilalbés na máxima competición.

TORNEO HQR DE PONTEVEDRA

O Club Vilalba clasificouse no segundo posto por equipos no Torneo HQR de Pontevedra, so por detrás do clube Pontevedra como entidade organizadora.

Na categoría Junior contamos cos ouros de Carlos Jobanni García que en menos de 52 kg impúxose na final ao tamén vilalbés Roberto Díaz Orosa. En menos de 90 kg e tamén na categoría Júnior foi Ramón Monasterio o que nos trouxo os ouros nas modalidades de libre olímpica e na de grecorromana. Caique de meneces tamén contribuiu á colleita de preseas cunha prata en grecorromana en menos de 65 kg.

Xa na categoría sénior temos destacar a prata de Ángel García Roibás en máis de 90 kg e a prata de Pablo Chao Durán en menos de 80 kg concluíndo así a representación vilalbesa en Pontevedra.

A provincia tamén contou con outros deportistas na cita como o lucense Nicolás López que conseguiu o bronce en más de 90 kg, pero os mellores resultados viñeron da man dos compañeiros do Clube Rábade cos ouros acadados por Cristian Pumares en cadete menos de 65 kg e Martín Vázquez en sénior menos de 90 kg.

Esta foi a última cita deportiva do ano e é o mellor xeito de valorar a forma deportiva dos nosos deportistas de cara á próxima tempada.

ÉXITO DOS GALEGOS NO INTERNACIONAL ANTONI ASENSIO DE CATALUÑA

VERSIÓN EN CASTELLANO
 A selección galega desprazada á capital catalana para desputar o prestixioso Antonio Asensio, voltou con unha prata do vigués Pablo García (Club de Loita Pontevedra) e dous bronces; o primeiro en menos de 96 kg de Damián Iglesias (Club Touro) e outro de Catriel Pehuén (Vilalba) en menos de 125 kg.
Vilalba contou con dous depotistas no evento, Pablo Chao en menos de 74 kg e o xa mencionado Catriel Pehuén en menos de 125 kg. Ambos deportistas non tiveron un bo día caendo en primeira rolda ante o representante navarro no caso de Pablo e ante o catalán e á postre campión da categoría no caso de Catriel.
Estes eventos son moi importantes para testar a preparación dos nosos deportistas de cara á próxima tempada, e aínda que non houbo primeiros postos temos que agradecer á federación catalana que contase con nós e os nosos deportistas.
A próxima e última cita deportiva do ano será o festival HQR de Pontevedra o próximo 27 de decembro ao viaxaremos cun nutrido equipo.
VER MÁIS FOTOS