Este é un blog que xurde en primeiro lugar para difundir a actividade do Club de Loitas Olímpicas de Vilalba e dos seus deportistas e tamén, para dar a coñecer no eido do territorio galego a influenza e espallamento deste milenario deporte nos diferentes lugares do mundo.
O sábado pola maña loitaron os U15 e entre os varios podios galegos destacamos as pratas vilalbesas de Jimena García e Enrique Seoane. Na mesma categoría, Héctor Somoza e Bruno Pintos , este último do Club Lugo, acadaron no 5º posto e Alejandra Valle no posto 12.
O domingo foi o turno dos U23 nos que Kevin Cuba acadou o bronce mentres que Xiao Seoane finalizou 5º.
A nosa próxima cita os protagonistas serán categorías de base na Liga de Deporte Base que terá lugar o 5 de abril en Melide.
Kevin Cuba acadou a prata nos Campionatos de España en menos de 97 kg na categoría U20 que se celebrou esta fin de semana no Palacio de Deportes de Gijón.
O vilalbés gañou os seus primeiros 4 combates con superioridade perdendo na final ante o outro representante galego, Iago Fernández do Pontevedra, nun axustado combate.
Xiao Seoane tamén participou no campionato conformándose cun 11º posto na categoría de menos de 70 kg.
A próxima cita para os nosos deportistas será o Campionao de España das categorías U15 o 29 de marzo en Cartagena, antes poderán participar na concentración autonómica da categoría que terá lugar no CGTD de Pontevedra o próximo fin de semana.
Gijón acollerá o primeiro campionato de España da tempada e Vilalba contará coa representación destes dous deportistas.
Cabe destacar o pleno de Ouros do noso equipo na categoría U13. Alonso Maceiras, Sara Martínez, Alejandra Valle, Noela González Carreira e Bruno Pintos (este con licenza polo Loita Lugo) subiron ao máis alto do podio domiñando as súas categorías. Varias destas deportistas tamén gañaron os pasados Campionatos Galegos na categoría superior de U15, dando mostra de que se atopan preparadas para participar nos próximos campionatos de España representando á Selección Galega.
Na categoría sénior, José Cuba domiñou a categoría dos pesos pesados en libre olímpica mentres que Catriel Pehuén acadou outro ouro na modalidade de grecorromana.
Kevín Cuba conformouse con dúas pratas, en libre olímpica e en grecorromana, na categoría de 96 kg mentres que Xiao Seoane rematou no 5º posto na categoría de menos de 74 kg.
Rematada a fase autonómica de tódalas categorías comezamos a preparación para as 17 participacións en campionatos de España que teremos neste 2025, na que será unha das nosas tempadas con máis deportistas na competición estatal, e na que José Cuba retomará a competición nacional xa recuperado dunha operación de xeonllo e buscando superar os 20 títulos de Campión de España.
Na categoría U15 deslumbrou o pleno de ouros acadado polas nosas deportistas, Sara Martínez, Alejandra Valle, Noela González Carreira e Jimena García subiron ao máis alto do podio dominando as súas categorías. Na mesma categoría Enrique Seoane tamén obtivo o Ouro mentres que Héctor Somoza fíxose coa prata despois dunha axustada final e Aldán Balbona acadou o 4º posto no seu primeiro Campionato Galego. Nesta categoría o club obtivo a segunda praza por equipos por detrás do Keltoi de Vila de Cruces.
Na categoría U20 Kevin Cuba domiñou en 97 kg facéndose co ouro mentres que Xiao Seoane obtivo o cuarto posto en menos de 74 kg.
Varias destas deportistas quedan así clasificadas para os Campionatos de España U15 que terá lugar a finais de marzo en Cartajena.
A próxima actividade será o Campionato Galego U13 e U17 en Pontevedra e no que repetirán varias destas deportistas xunto a outras e outros compañeiros do club.
